only123.my1.ru

ГРУЗИЯ | ИНТЕРЕСНЫЕ ФАКТЫ О ЖИЗНИ В СТРАНЕ!

ADMIN — Sun, 11 Jun 2017 15:58:39 GMT

ГРУЗИЯ | ИНТЕРЕСНЫЕ ФАКТЫ О ЖИЗНИ В СТРАНЕ!

საქართველო, შენ არ ხარ ამ ბავშვის ღირსი! _ ვუნდერკინდი, რომელიც მოგებულ პრიზებს არსებობისთვის ყიდის

ADMIN — Sun, 11 Jun 2017 14:14:29 GMT

საქართველო, შენ არ ხარ ამ ბავშვის ღირსი! _ ვუნდერკინდი, რომელიც მოგებულ პრიზებს არსებობისთვის ყიდის

ჩანაწერი კონსტიტუციაში – მიწაზე საკუთრების უფლება საქართველოს მოქალაქეს ექნება

ADMIN — Thu, 08 Jun 2017 09:43:42 GMT

თბილისი (BPI) – მთავრობა მიიჩნევს, რომ სასოფლო-სამეურნეო დანიშნულების მიწის, როგორც განსაკუთრებული მნიშვნელობის რესურსზე საკუთრების უფლებასთან დაკავშირებით მიღებული გადაწყვეტილება ეხმიანება იმ მოთხოვნებს, რომელიც საქართველოს მოქალაქეთა უდიდეს უმრავლესობას აქვს.
მთავრობა ფიქრობს, რომ უცხოელებზე მიწის გასხვისების აკრძალვა კონსტიტუციით უნდა იყოს გამყარებული და სასოფლო-სამეურნეო დანიშნულების მიწის გასხვისების წესის შესახებ შესაბამისი ჩანაწერიც უნდა გაკეთდეს. როგორც პრემიერი ამბობს, მმართველ გუნდი საკონსტიტუციო კომისიას კონსტიტუციაში შესაბამისი ჩანაწერის გაკეთების ინიციატივით მიმართავს.
“სასოფლო-სამეურნეო დანიშნულების მიწის, როგორც განსაკუთრებული მნიშვნელობის რესურსზე, საკუთრების უფლება შეიძლება ჰქონდეს საქართველოს მოქალაქეს, საქართველოს მოქალაქეთა გაერთიანებას, სახელმწიფოს და თვითმმართველ ერთეულს,” – განაცხადა გიორგი კვირიკაშვილმა მთავრობის სხდომაზე.
„მმართველ გუნდში გაიმართა კონსულტაციები, რომლებშიც მონაწილეობდნენ მთავრობისა და საპარლამენტო უმრავლესობის წარმომადგენლები. მივიღეთ გადაწყვეტილება, საკონსტიტუციო კომისიას მივმართოთ ინიციატივით, რათა კონსტიტუციაში გაკეთდეს ჩანაწერი, რომლის მიხედვითაც სასოფლო-სამეურნეო დანიშნულების მიწის გასხვისება არ იქნება შესაძლებელი იმ პირზე, ვისაც არ გააჩნია საქართველოს მოქალაქეობა. აღნიშნული ჩანაწერი პირდაპირ ეხმიანება იმ მოთხოვნებს, რომელიც საქართველოს მოქალაქეთა უდიდეს უმრავლესობას აქვს. ვფიქრობთ, ეს იქნება გადაწყვეტილება, რომელიც აუცილებლად უნდა მიიღოს მმართველმა გუნდმა,”- განაცხადა პრემიერმა.
მასალის წყარო

გიგანტური აისბერგი კანადასთან მიცურდა

ADMIN — Sun, 23 Apr 2017 11:15:12 GMT

ნიუფაუნდლენდის სოფელთან, რომელიც "აისბერგის ხეივნის" სახელითაა ცნობილი, რამდენიმე დღის წინ აისბერგის 150-ფუტიანი ნატეხი მოცურდა. ასეთი უცნაური მოვლენის გამო, ნიუფაუნდლენდში ტურისტები მომრავლდნენ. ექსპერტების ცნობით, ეს აისბერგი უფრო დიდია, ვიდრე 1912 წლის აისბერგი, რომელმაც ცნობილი გემი "ტიტანიკი" დაძირა. რადგანაც აისბერგმა არაღრმა წყლებს მოაღწია, მისი გაქრობა კიდევ დიდხანს შეუძლებელი იქნება.

ძლიერმა ქარმა ვეჯინში წმინდა გიორგის სახელობის ეკლესია დააზიანა

ADMIN — Sun, 23 Apr 2017 11:08:36 GMT

ძლიერმა ქარმა გურჯაანის რაიონის სოფელ ვეჯინში წმინდა გიორგის სახელობის ეკლესია დააზიანა, რომელსაც ეზოში მდგარი ასწლოვანი ნაძვის ხე დაეცა. მოგლეჯილმა ხემ კელიები და მიმდებარე მაღაზიაც დაანგრია. სოფელ ახაშენში კი ძულიაშვილების საცხოვრებელ სახლს სახურავი მთლიანად აქვს მოხდილი. დაწყვეტილია ელექტროგადამცემი ხაზებიც. სტიქიის შედეგად, არავინ დაშავებულა. ადგილობრივი ხელისუფლება დაზარალებულებს ხვდება.

საკონსტიტუციო კომისიამ ნანუაშვილის მხოლოდ ერთი რეკომენდაცია გაითვალისწინა

ADMIN — Sun, 23 Apr 2017 11:06:40 GMT

საკონსტიტუციო კომისიამ სახალხო დამცველის მხოლოდ ერთი რეკომენდაცია გაითვალისწინა. ტერმინი „სახალხო დამცველი“ ტერმინით „ომბუდსმენი“ აღარ შეიცვლება. როგორც უჩა ნანუაშვილმა განაცხადა, განსაკუთრებით სამწუხაროა ის ფაქტი, რომ სახალხო დამცველის როლის გაძლიერების ნაცვლად, ახალ პროექტში საუბარია მის შესუსტებაზე. „რაც ჩვენთვის განსაკუთრებით სამწუხაროა, სახალხო დამცველის კანონში მთელი რიგი შესწორებები შევიდა, რითაც, ფაქტობრივად, სახალხო დამცველის შესახებ ჩანაწერი არის დანაწევრებული და მთელი რიგი არსებითი მომენტები მისგან არის ამოღებული“. საკონსტიტუციო კომისიამ სახალხო დამცველის ის ინიციატივები არ გაიზიარა, რომელიც მოსახლეობის სოციალური დაცვის გარანტიებსა და მართლმსაჯულების საკითხებს შეეხებოდა. „ჩვენ გვქონდა რამდენიმე ინიციატივა, მათ შორის, შრომის ინსპექციასთან დაკავშირებით, რომლის საზედამხედველო უფლებები კონსტიტუციით უნდა ყოფილიყო განსაზღვრული. გვქონდა რეკომენდაცია საკონსტიტუციო სასამართლოს უფლებამოსილების გაზრდასთან დაკავშირებითაც, თუმცა კომისიამ არც ერთი გაიზიარა“, - განაცხადა უჩა ნანუაშვილმა.

ავთანდილ ხურციძე კრივში მსოფლიო ჩემპიონი გახდა

ADMIN — Sun, 23 Apr 2017 11:04:21 GMT

ქართველმა მოკრივემ ავთანდილ ხურციძემ მორიგი ორთაბრძოლა მოიგო და მსოფლიოს ჩემპიონის ტიტული მოიპოვა. ინგლისის ქალაქ ლიდსში გამართულ შეხვედრაში 37 წლის ხურციძემ ბრიტანელი ტომი ლენგფორდი მეხუთე რაუნდში ნოკაუტით დაამარცხა. ლენგფორდი ბრძოლის გაგრძელებას აპირებდა, მაგრამ მსაჯისა და ექიმების გადაწყვეტილებით, ის შეხვედრის გასაგრძელებლად მზად არ იყო და ბრძოლიდან მოიხსნა, რის შემდეგაც მსოფლიოს ჩემპიონის ქამარი ქართველ სპორტსმენს დარჩა. მოპოვებული ჯილდოს დასაცავად ავთანდილ ხურციძეს უახლოეს მომავალში კიდევ ერთ ბრიტანელ მოკრივესთან მოუწევს დაპირისპირება. 37 წლის ქართველი სპორტსმენის მეტოქე ამჯერად ბილი ჯო სონდერსი იქნება.

ავტობანზე ავარიას 5 ადამიანი ემსხვერპლა

ADMIN — Sun, 23 Apr 2017 10:58:20 GMT

5 ადამიანის სიცოცხლე ემსხვერპლა ქუთაისის შემოვლით გზაზე მომხდარ ავტოსაგზაო შემთხვევას. გარდაცვლილთა შორის ერთ-ერთი 7 თვის ფეხმძიმე ქალია. შემთხვევა გვიან ღამით მოხდა. ერთმანეთს დიდი სიჩქარით მოძრავი მერსედესისა და ჯიპის მარკის ავტომობილები შეეჯახნენ. არსებული ინფორმაციით, ავტოსაგზაო შემთხვევაში მონაწილე ავტომობილებში მსხდომი პირებიდან ყველა გარდაიცვალა, რადგან შეჯახების შემდეგ ავტომობილებს ტრაილერმა გადაუარა. მომხდარზე გამოძიება სისხლის სამართლის კოდექსის 276-ე მუხლის მე-7 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.

კანაფისა და მარიხუანას შეძენა, შენახვა, მოხმარებაზე ჯარიმა 300 ლარამდე მცირდება, 15-დღიანი ადმინისტრაციული პატიმრობა კი უქმდება

ADMIN — Tue, 28 Mar 2017 17:02:05 GMT

მთავრობის მიერ პარლამენტში წარდგენილი საკანონმდებლო პაკეტის მიხედვით, კანაფისა და მარიხუანას შეძენა, შენახვა, მოხმარებაზე ადმინისტრაციული ჯარიმის ოდენობა 500 ლარიდან 300 ლარამდე მცირდება, 15-დღიანი ადმინისტრაციული პატიმრობა კი უქმდება. ”ადმინისტრაციულ სამართალდარღვევათა კოდექსის” 45-ე მუხლში დაგეგმილი ცვლილებებით, კანაფის და მარიხუანას მცირე ოდენობით უკანონო დამზადება, შეძენა, შენახვა, გადაზიდვა, გადაგზავნა ან ექიმის დანიშნულების გარეშე მოხმარება გამოიწვევს დაჯარიმებას 300 ლარის ოდენობით ან გამასწორებელ სამუშაოებს 1-თვიდან ექვს თვემდე ვადით. სხვა ნარკოტიკული საშუალების, მისი ანალოგის ან პრეკურსორის მცირე ოდენობით უკანონო დამზადება, შეძენა, შენახვა, გადაზიდვა, გადაგზავნა ან ექიმის დანიშნულების გარეშე მოხმარება გამოიწვევს ადმინისტრაციული წესით დაჯარიმებას 500 ლარის ოდენობით, ხოლო გამონაკლის შემთხვევაში, თუ საქმის გარემოებებისა და დამრღვევის პიროვნების გათვალისწინებით ამ ზომის გამოყენება არასაკმარისად იქნება მიჩნეული – ადმინისტრაციულ პატიმრობას 15 დღემდე ვადით. ნარკოტიკული საშუალების, მისი ანალოგის ან პრეკურსორის მცირე ოდენობით დამზადება, გადაზიდვა ან გადაგზავნა, ისევე როგორც უკანონო შეძენა, შენახვა და ექიმის დანიშნულების გარეშე მოხმარება, პირველ რიგში, ადმინისტრაციულ პასუხისმგებლობას დაექვემდებარება და მხოლოდ განმეორებით ჩადენის შემთხვევაში დაექვემდებარება მისი ჩანდენი პირი სისხლისსამართლებრივ პასუხისმგებლობას. აღსანიშნავია, რომ საკანონმდებლო პაკეტის ავტორი იუსტიციის სამინისტროა. რაც შეეხება ”სისხლის სამართლის კოდექში” დაგეგმილი ცვლილებებს ის თავის მხრივ, საკონსტიტუციო სასამართლოს მიერ მიღებული გადაწყვეტილებებიდან გამომდინარეობს.

ქართულ სუფრას არამატერიალური კულტურული მემკვიდრეობის ძეგლის სტატუსი მიენიჭა

ADMIN — Thu, 23 Mar 2017 21:11:53 GMT

საქართველოს კულტურული მემკვიდრეობის დაცვის ეროვნული სააგენტოს გენერალური დირექტორის ბრძანების თანახმად, ქართული ტრადიციული სუფრის კულტურას არამატერიალური კულტურული მემკვიდრეობის ძეგლის სტატუსი მიენიჭა.
დოკუმენტი საქართველოს საკანონმდებლო მაცნეში 22 მარტს გამოქვეყნდა.

„საქართველოს უმნიშვნელოვანეს ისტორიულ-კულტურულ ფასეულობათა სამართლებრივი დაცვის უზრუნველყოფის მიზნით, საქართველოს ზოგადი ადმინისტრაციული კოდექსის 51-ე, 52-ე, 53-ე მუხლების, ,,კულტურული მემკვიდრეობის შესახებ” საქართველოს კანონის მე-15 მუხლის მე-3 პუნქტისა და საქართველოს კულტურული მემკვიდრეობის დაცვის ეროვნულ სააგენტოსა და კულტურისა და ძეგლთა დაცვის სამინისტროს შორის გაფორმებული 2015 წლის 30 ოქტომბრის №02 ადმინისტრაციული ხელშეკრულების 1-ლი მუხლის „ა“ პუნქტის შესაბამისად, ვბრძანებ:

1. მიენიჭოს არამატერიალური კულტურული მემკვიდრეობის ძეგლის სტატუსი არამატერიალური კულტურული მემკვიდრეობის ობიექტს – ქართული ტრადიციული სუფრის/პურობის კულტურას (ქართული სუფრა).“

2. დაევალოს საქართველოს კულტურული მემკვიდრეობის დაცვის ეროვნული სააგენტოს საინფორმაციო სისტემების სამსახურს ამბრძანების პირველ პუნქტში მითითებული ობიექტის მონაცემების ძეგლთა სახელმწიფო რეესტრში ასახვა .

3. დაევალოს სააგენტოს იურიდიულ სამსახურს ამ ბრძანების ამოქმედებიდან ერთი თვის ვადაში ამ ბრძანების პირველ პუნქტში მითითებული ობიექტის მონაცემების კულტურისა და ძეგლთა დაცვის სამინისტროს ინტერნეტგვერდზე ასახვის მიზნით შესაბამისი ღონისძიების განხორციელება.

4. ბრძანება ამოქმედდეს გამოქვეყნებისთანავე.

ბრძანება შეიძლება გასაჩივრდეს დაინტერესებული მხარის მიერ ოფიციალური გაცნობიდან ერთი თვის ვადაში საქართველოს კულტურისა და ძეგლთა დაცვის სამინისტროში“ -ნათქვამია დოკუმენტში.

რუსთავში მსუბუქი ავტომობილების შეჯახების შედეგად სამი ადამიანი გარდაიცვალა

ADMIN — Fri, 23 Dec 2016 20:00:57 GMT

#რუსთავში, #მსუბუქი, #ავტომობილების, #შეჯახების, #შედეგად, #სამი, #ადამიანი, #გარდაიცვალა ავტოსაგზაო შემთხვევა რუსთავში - მსუბუქი ავტომობილების შეჯახების შედეგად სამი ადამიანი გარდაიცვალა, სამი კი დაშავდა, ისინი ამ დროისათვის სამედიცინო დაწესებულებაში არიან მოთავსებული. გავრცელებული ინფორმაციის თანახმად, დაღუპულია ცოლ–ქმარი. შს სამინისტროს პრეს-სამსახურის განცხადებით, გამოძიება სისხლის სამართლის კოდექსის 276-ე მუხლის მეშვიდე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია

ჰოლივუდის ვარსკვლავების ყოველდღიური ჩაცმულობა

ADMIN — Tue, 30 Aug 2016 12:22:17 GMT

ჰოლივუდის ვარსკვლავების ყოველდღიური ჩაცმულობა ჩვენი საყვარელი ვარსკვლავებისთვის განიერი ჯინსები, მაისურები და კედები, რა თქმა უნდა, უცხო არ არის. ერთად ვნახოთ, როგორ გამოიყურებიან ყოველდღიურ ცხოვრებაში ჰოლივუდის ყველაზე ცნობილი მოდის მიმდევრები.

ადელმა აშშ-ში 9,5 მილიონ დოლარად სახლი შეიძინა

ADMIN — Thu, 02 Jun 2016 17:06:48 GMT

ადელმა, რომელიც ერთ-ერთი ყველაზე მდიდარი ბრიტანელი მომღერალია, ახლახანს აშშ-ში უძრავი ქონება შეიძინა.

მედიაში გავრცელებული ინფორმაციით, მან ლოს-ანჯელესთან ახლოს 9,5 მილიონ დოლარად საკუთარი სახლი შეიძინა.

სახლი, დახურულ დასახლებაში მდებარეობს. მასში განთავსებულია 4 საძინებელი, 6 აბაზანის ოთახი, აუზი.

ახლა, მისი მეზობლები არიან ჯენიფერ ლოურენსი, ეშტონ კატჩერი, მილა კუინსი, კამერონ დიასი და სხვანი.

სტალინის მიმდევრები მაია ასათიანს გაუნაწყენდნენ

ADMIN — Thu, 14 Apr 2016 20:08:50 GMT

სტალინის მიმდევრები მაია ასათიანს გაუნაწყენდნენ

ნუცუბიძეზე სახანძრო მაღალი ფასების გამო გამოიძახეს

ADMIN — Tue, 08 Mar 2016 08:12:27 GMT

უცნობმა პირმა მაღაზიაში მაღალი ფასების გამო, ნუცუბიძის ქუჩაზე სახანძრო ბრიგადა გამოიძახა. ამის შესახებ "ინტერპრესნიუსს" საგანგებო და გადაუდებელი მართვის სააგენტოდან აცნობეს .
როგორც სააგენტოში აცხადებენ, უცნობმა პირმა აღნიშნულ სამსახურში დარეკა და განაცხადა, რომ მაღაზიას ცეცხლი ეკიდა. შეტყობინება ხუმრობა აღმოჩნდა. ადგილზე გასულ სახანძრო ბრიგადებს ხანძარი არ დახვდათ.
"მაღაზიაში ფასებს ცეცხლი უკიდია", _ უთხრეს ადგილზე მისულ მეხანძრეებს.

ნატო-ს ინფორმაციით, რუსეთმა შვედეთზე ბირთვული დარტყმის იმიტირება ჩაატარა

deeviil1 — Thu, 04 Feb 2016 23:08:18 GMT

2013 წელს რუსეთის შეიარაღებული ძალები ატარებდნენ შვედეთზე ბირთვული დარტყმის იმიტირებას.

ეს მტკიცდება ნატოს გენერალური მდივნის იენს სტოლტენბერგის ანგარიშში, რომელიც ალიანსის ოფიციალურ საიტზე გამოქვეყნდა.

"მასშტაბური გადაიარაღების ჩარჩოში საომარმა მანევრებმა და წვრთნებმა რუსეთში მიაღწიეს იმ დონეს, რაც ცივი ომის პერიოდიდან არ ყოფილა. ბოლო სამი წლის მანძილზე რუსეთმა ჩაატარა, სულ მცირე, 18 მასშტაბური წვრთნა, ზოგიერთ მათგანში 100 ათასი სამხედრო მოსამსახურე მონაწილეობდა. ეს სწავლებები მოიცავდა ნატო-ს მოკავშირე და მის პარტნიორ ქვეყნებზე ბირთვიული შეტევების მოდელირებას (მაგალითად შვედეთზე, 2013 წელს)"- ნათქვამია სტოლტენბერგის ანგარიშში.

შვედური გამოცემა The Local-ის ინფორმაციით, სწავლება სტოკჰოლმის არქიპელაგის აღმოსავლეთ საზღვართან ჩატარდა და მან მედიის მძაფრი რეაქცია გამოიწვია, რადგან მაშინ შვედმა სამხედროებმა ვერ შეძლეს ოპერატიულად მოეხდინათ რეაგირება ამაზე, ვინაიდან მათი უმეტესობა შვებულებაში იმყოფებოდა.

2013 წლის აპრილში შვედური გაზეთი Svenska Dagbladet იტყობინებოდა, რომ 29 მარტს შვედურმა რადარებმა დააფიქსირეს ბომბდამშენი ტუ-22M3 და ოთხი სუ-27-ის ტიპის ობიექტი, რომლებიც უახლოვდებოდნენ ქვეყნის საჰაერო სივრცეს. გამოცემის მონაცემებით მაშინ რუსეთის შეარაღებული ძალები ამუშავებდნენ სტოკჰოლმსა და შვედეთის სამხრეთზე თავდასხმის გეგმას.

რუსულ მხარეს ანგარიშის შესახებ ჯერ კომენტარი არ გაუკეთებია.

3 თებერვალს ნატო-ს ხელმძღვანელობამ ასევე განაცხადა, რომ რუსული წყალქვეშა ნავების აქტიურობამ მიაღწია ცივი ომის პერიოდის დონეს.

ნიგერიელმა ტერორისტებმა მეზღვაურები მძევლად აიყვანეს - ერთი მძევალი ქართველია

deeviil1 — Thu, 04 Feb 2016 23:02:26 GMT

Associated Press-ის ცნობით, ნიგერიელი ტერორისტები ბერძნულ ნავთობ ტანკერს თავს დაესხნენ და ტანკერის ეკიპაჟის ხუთივე წევრი მძევლად აიყვანეს.

თავდამსხმელები ნიგერიის სამხრეთ-აღმოსავლეთ ნაწილში არსებული თვითაღიარებული სახელმწიფოს, Biafra-ს აჯანყებულები არიან. ტერორისტები ნავთობის ტანკერს ჯერ კიდევ გასულ კვირას დაესხნენ თავს და ხომალდისა და ეკიპაჟის წევრების აფეთქებით იმუქრებოდნენ, თუმცა, 31 იანვარს ხომალდი დატოვეს და მძევლები თან წაიყვანეს.

ბერძნულ კომპანიაში, რომელსაც ტანკერი ეკუთვნის, კომენტარს არ აკეთებენ. ტანკერი ამჟამად ბენინის რესპუბლიკის წყლებში, ადგილობრივი საზღვაო ძალების დაცვის ქვეშ იმყოფება.

მძევლების ადგილსამყოფელი ამ დრომდე უცნობია.

პრემიერი კრიზისების მართვის საბჭოს უშიშროების საბჭოს შემადგენლობაში შესვლის მოთხოვნას არაადეკვატურს უწოდებს

ADMIN — Thu, 04 Feb 2016 17:42:20 GMT

საქართველოს პრემიერმინისტრი გიორგი კვირიკაშვილი მიიჩნევს, რომ სახელმწიფო უსაფრთხოებისა და კრიზისების მართვის საბჭოს ეროვნული უშიშროების საბჭოს შემადგენლობაში შესვლის მოთხოვნა, არსებული საკონსტიტუციო რეალობის გათვალისწინებით, არაადეკვატურია.

„ნებისმიერი კრიზისზე ქვეყანაში პასუხისმგებელია მთავრობა და კრიზისული ვითარება უნდა იმართებოდეს აღმასრულებელი ხელისუფლების მიერ, რომლის მეთაურია პრემიერმინისტრი. კრიზისული სიტუაციების ოპერატიულად მართვისთვის მთავრობას სჭირდება ეფექტური და ქმედითი ორგანო, რასაც ამ შემთხვევაში სახელმწიფო უსაფრთხოებისა და კრიზისების მართვის საბჭო წარმოადგენს.

სახელმწიფო უსაფრთხოებისა და კრიზისების მართვის საბჭოსა და ეროვნული უშიშროების საბჭოს ფუნქციები მკაფიოდ არის გამიჯნული“, - მიიჩნევს პრემიერი.

მისი აზრით, ადგილი აქვს მთავრობისა და პირადად მისი მხრიდან პოლიტიკური წესრიგის ჩამოყალიბებისკენ გადადგმული კონსტრუქციული ნაბიჯების პოლიტიკური მიზნებით გამოყენების მცდელობას.

„აღმასრულებელი ხელისუფლების მეთაური პასუხისმგებელია მართვაზე და გამოიყენებს მის ხელთ არსებულ ყველა ბერკეტს თუ ინსტიტუტს, რომელიც ეფექტური მენეჯმენტისთვის არის საჭირო. ძველი კონსტიტუციით, როდესაც აღმასრულებელი ხელისუფლების მეთაური იყო პრეზიდენტი, ბუნებრივია, რომ უშიშროების საბჭოში იყო აკუმულირებული ყველა ფუნქცია. დღევანდელი კონსტიტუციით, თუ კრიზისი გადადის საგანგებო მდგომარეობაში, მხოლოდ ამის შემდეგ ხდება გადაწყვეტილებების ნაწილის მიღება უშიშროების საბჭოს ფორმატში“, - წერია კვირიკაშვილის განცხადებაში, რომელიც პრემიერის პრესსამსახურმა გაავრცელა.

რატი დურგლიშვილის მანქანა დაიწვა

ADMIN — Thu, 04 Feb 2016 17:33:13 GMT

თბილისში, ჟვანიას მოედანზე, მომღერალ რატი დურგლიშვილის მანქანა დაიწვა. როგორც შსს-ში news.ge-ს განუცხადეს, მომხდარზე გამოძიება არ დაწყებულა, რადგან საეჭვო ვითარება არ იყო და მძღოლსაც პრეტენზია არ გააჩნდა.

ფოტოები „ფორტუნამ“ გაავრცელა. როგორც გამოცემასთან მომღერალი ამბობს, მანქანას ცეცხლი ძრავში მოძრაობის დროს გაუჩნდა.

„მანქანა ძველია და ეტყობა, ტექნიკური პრობლემა იყო. ზუსტად ნამდვილად არ ვიცი მიზეზი. მანქანით ვარჯიშიდან ვბრუნდებოდი, როდესაც უეცრად მისი წინა ნაწილი აალდა და ცეცხლი მოეკიდა. სასწრაფოდ გავაჩერე და გადმოვხტი მანქანიდან. ადამიანები ძალიან დამეხმარნენ. პატრული ზუსტად ორ წუთში მოვიდა, გადაკეტეს ქუჩა, გამოიძახეს სახანძრო ბრიგადა და ცეცხლი მათ ჩააქრეს… კიდევ კარგი, არავინ დაშავდა…

მე არაფერი დამიშავდა, საბედნიეროდ, ღმერთის წყალობით გადავრჩი და სხვაც არავინ დაშავებულა. მანქანა კატასტროფულ მდგომარეობაშია. ასეთი საშინელება მხოლოდ კინოში მინახავს. წინა ნაწილი სრულიად დამწვარია“, - ამბობს დურგლიშვილი.

"გოგი თოფაძეს ამ დღეებში ყველაზე ადეკვატურ, სწორ პასუხს ქართველი საზოგადოება გასცემს“

ADMIN — Thu, 04 Feb 2016 16:44:14 GMT

ფრაქცია „მრეწველების“ თავმჯდომარის გოგი თოფაძის გამოსვლას პრეზიდენტის მრჩეველი გიორგი აბაშიშვილი ეხმაურება.

როგორც ჟურნალისტებს აბაშიშივილმა განუცხადა, გოგი თოფაძის განცხადება არის შეფასების მიღმა.

„მას ამ დღეებში ყველაზე ადეკვატურ, სწორ პასუხს ქართველი საზოგადოება გასცემს“, - დასძინა აბაშიშვილმა.

ფრაქცია „მრეწველების“ თავმჯდომარემ გოგი თოფაძემ პრეზიდენტი გიორგი მარგველაშვილი პარლამენტის ტრიბუნიდან გააკრიტიკა.

„თქვენი გამონათქვემები უნდა გაგახსენოთ. ქართველი ხალხი თქვენ დაუნებს შეადარეთ, რაც ძალიან სამწუხაროა. თუკი თქვენ მოსახლეობას ასე აფასებთ, მაშინ თქვენ საქართველოს პრეზიდენტობაც არ უნდა გეკადრათ“, - მიმართა თოფაძემ პრეზიდენტს.

"ბატონო გოგი, მოგმართავთ დაუნის სინდრომის მქონე ბავშვის მშობელი, რომლის უკან კიდევ ასობით მშობელი ..."

ADMIN — Thu, 04 Feb 2016 16:29:52 GMT

დაუნის სინდრომის მქონე ბავშვის მშობელი, ლია ტაბატაძე გოგი თოფაძეს განცხადებით მიმართავს, რომელსაც შეზღუდული შესაძლებლობის მქონე პირთა საკითხებზე მომუშავე რამდენიმე არასამთავრობო ორგანიზაციაც უერთდება:

"ბატონო გოგი, მოგმართავთ დაუნის სინდრომის მქონე ბავშვის მშობელი, რომლის უკან კიდევ ასობით მშობელი, შეზღუდული შესაძლებლობის მქონე პირი და ჩვენი უამრავი მხარდამჭერი მოქალაქე დგას.

აქამდეც არაერთ საჯარო პირს დაუშვია მსგავსი შეცდომა, როდესაც სიტყვა „დაუნი" დამაკნინებელ კონტექსტში გამოუყენებია. აქამდეც არაერთხელ გამართულა ფართე მსჯელობა ამ თემაზე.

თანამედროვე სამყაროში დაინტერესებული და შეგნებული ადამიანისთვის ინფორმაცია ადვილად მისაწვდომია იმის შესახებ, რომ ყოველ რვაას ბავშვში ერთი დაუნის სინდრომით იბადება. საზოგადოების განვითარებულობის ნიშანი ადამიანთა მრავალფეროვნების აღიარება და პატივისცემაა, ამის გაცნობიერება და გათვალისწინება ყოველდღიურ ცხოვრებაში. მარტივი ლოგიკურ-მათემატიკური უნარ-ჩვევის გამოყენება გჭირდებათ იმისათვის, რომ გააცნობიეროთ, თქვენ, პოლიტიკოსმა, ხელისუფლების წარმომადგენელმა, რა რაოდენობის მოქალაქეს, მათი ოჯახის წევრებსა და ახლობლებს - თქვენს ამომრჩეველს, მიაყენეთ შეურაცხყოფა. თუმცა, უნდა გესმოდეთ, რომ ერთი რიგითი ადამიანის ღირსების შელახვაზეც კი მოგეთხოვებათ პასუხი.

მოგიწოდებთ, გაეცნოთ ინფორმაციას დაუნის სინდრომის შესახებ. იქნებ აღმოაჩინოთ, რომ სწორედ თქვენი მსგავსი მიდგომები და გამონათქვამები არის ქართველი ხალხისათვის შეურაცხმყოფელი და როგორც თავად იტყოდით, „მოსახლეობის სამწუხარო შეფასება".

მოვითხოვთ, მოგვიხადოთ საჯარო ბოდიში საქართველოს მოქალაქეებს იმავე ტრიბუნიდან, საიდანაც შეურაცხყოფა მოგვაყენეთ.

მოგიწოდებთ პოლიტიკურ მოღვაწეებს, საჯარო პირებს, გააცნობიეროთ თქვენი როლი, თქვენ ხელთ არსებული ბერკეტები, უფლება-მოვალეობები, რასაც საერთაშორისო და ადგილობრივი კანონმდებლობა გაკისრებთ სხვადასხვა დაუცველი ჯგუფებისათვის პოზიტიური ცვლილებების განსახორციელებლად", - წერია განცხადებაში, რომელსაც უერთდებიან შემდეგი არასამთავრობო ორგანიზაციები: დაუნის სინდრომის მქონე ბავშვთა მშობლებისა და პროფესიონალების კავშირი „ჩვენი ბავშები"; შშმ პირთა და მშობელთა ორგანიზაციების ქსელი „მოძრაობა ცვლილებებისთვის"; შშმ პირთა ორგანიზაცია „ხელმისაწვდომი გარემო ყველასთვის" (AEE); პარტნიორობა ადამიანის უფლებებისთვის (PHR); ადამიანის უფლებების სწავლებისა და მონიტორინგის ცენტრი (EMC). "მზის შვილები", "ოჯახები დისკრიმინაციის წინააღმდეგ" და "საქართველოს სოციალურ მუშაკთა ასოციაცია".

დღეს ფრაქცია „ქართული ოცნება - მრეწველების" თავმჯდომარემ, გოგი თოფაძემ პრეზიდენტ გიორგი მარგველაშვილს პარლამენტის ტრიბუნიდან მიმართა.

„თქვენ ხართ პირველი პირი საქართველოში, თქვენი ყველა წინადადება, სიტყვა, ყველა ბგერა ანალიზდება. მინდა, მოგახსენოთ თქვენ თქვენი გამონათქვამები, ქართველ ხალხზე, ქართველ ერზე. ქართველი ხალხი თქვენ დაუნებს შეადარეთ, ძალიან სამწუხაროა, რომ თქვენ ასე აფასებთ საქართველოს მოქალაქეებს, მაშინ, არც პრეზიდენტობა უნდა გეკადრათ, საქართველოსი", - თქვა გოგი თოფაძემ.

პრემიერი ევროპის საბჭოს ოფისის ხელმძღვანელს შეხვდა

ADMIN — Thu, 04 Feb 2016 15:33:41 GMT

ქვეყანაში მიმდინარე რეფორმები და თანამშრომლობის გაღრმავების პერსპექტივები განიხილეს პრემიერმინისტრმა გიორგი კვირიკაშვილმა და ევროპის საბჭოს ოფისის ხელმძღვანელმა საქართველოში კრისტიან ურსემ დღეს გამართულ შეხვედრაზე.

საუბარი შეეხო ევროინტეგრაციის საკითხებს და ხაზი გაესვა მიღწეულ შედეგებს. ყურადღება გამახვილდა "ევროპის საბჭოსა და ევროგაერთიანების პროგრამული თანამშრომლობის ჩარჩოს (PCF)" ფორმატის მნიშვნელობაზე, რომელიც ითვალისწინებს აღმოსავლეთ პარტნიორობის ქვეყნებში რეფორმების გატარების ხელშეწყობას და ამ ქვეყნების ევროპულ სტანდარტებთან დაახლოებას ისეთ სფეროებში, როგორიც არის ადამიანის უფლებები, დემოკრატია და სამართლის უზენაესობა.

საქართველოს პრემიერმინისტრმა და ევროპის საბჭოს ოფისის ხელმძღვანელმა ისუბრეს საქართველოს ოკუპირებულ ტერიტორიაზე არსებულ ვითარებაზე და კონფლიქტურ რეგიონებში ადამიანის უფლებების კუთხით შექმნილ მდგომარეობაზე.

გიორგი კვირიკაშვილმა მადლობა გადაუხადა ევროპის საბჭოს ოფისის ხელმღვანელს საქართველოს მხარდამჭერი განცხადებებისა და ნაყოფიერი თანამშრომლობისთვის.

„ძალიან სასიამოვნო და ნაყოფიერი შეხვედრა მქონდა პრემიერმინისტრთან. ჩვენი დიალოგი ძალიან მნიშვნელოვანია, ჩვენ განვიხილეთ თანამშრომლობის საკითხები, რომლებიც კარგად მიმდინარეობს. იგულისხმება მინისტრთა კაბინეტთან და სხვადასხვა სახელმწიფო უწყებასთან თანამშრომლობა. ამდენად, ჩვენ კარგი შესაძლებლობა გვაქვს, რომ მიღწეული შედეგებით დავგეგმოთ სამომავლო საქმიანობა. ახლო მომავალში დამთავრდება მუშაობა სტასბურგში საბჭოს ახალ სამოქმედო გეგმაზე საქართველოსთვის, რაც ჩვენს ურთიერთობებს ახალ საფეხურზე აიყვანს. თანამშრომლობის მხრივ ჩვენ ისევ იმ მიმართულებებს განვავითარებთ, რაც ევროპის საბჭოს ძირითადი ღირებულებებია. მაგალითად, კანონის უზენაესობა, დისკრიმინაციის წინააღმდეგ ბრძოლა, ინსტიტუტების ეფექტიანი მუშაობა",- განაცხადა კრისტიან ურსემ შეხვედრის დამთავრების შემდეგ.

მთავრობის ადმინისტრაციაში გამართულ შეხვედრას საგარეო საქმეთა მინისტრი მიხეილ ჯანელიძე დაესწრო.

ტრანსგენდერი ბიანკა შიგუროვა გარდაცვლილი ნახეს

ADMIN — Thu, 04 Feb 2016 15:22:08 GMT

თბილისში, ნაძალადევის რაიონში, 20 წლის ტრანსგენდერი ბიანკა შიგუროვა გარდაცვლილი ნახეს. ფაქტი news.ge-ს შინაგან საქმეთა სამინისტროში დაუდასტურეს.

როგორც უწყებაში განაცხადეს, გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს. მომხდარის შესახებ სხვა ინფორმაციას შსს არ ავრცელებს.

მერიის ტენდერში გამარჯვებული კომპანიის დამფუძნებელი 1 526 437 ლარის მითვისების ფაქტზე დააკავეს

ADMIN — Thu, 04 Feb 2016 11:57:01 GMT

ფინანსთა სამინისტროს საგამოძიებო სამსახურმა სამსახურებრივი მდგომარეობის გამოყენებით, სახელმწიფო ბიუჯეტის კუთვნილი, განსაკუთრებით დიდი ოდენობით თანხის მითვისების ფაქტზე, შპს „სამშენებლო-კომერციული კორპორაცია ხიდის“ დამფუძნებელი, თეიმურაზ წივწივაძე დააკავა.

როგორც საგამოძიებო სამსახურში აცხადებენ, საქმე ეხება, ავჭალის დასახლებაში არსებული ეგრეთ წოდებული „ზაჰესის ხიდის“ და სარკინიგზო გზაგამტარის რეაბილიტაციის პროცესში ჩადენილ სისხლის სამართლის დანაშაულს.

„გამოძიებით დადგინდა, რომ ბრალდებულის მიერ დაფუძნებულმა კომპანიამ გაიმარჯვა ქალაქ თბილისის მერიის მიერ გამოცხადებულ ტენდერში, თუმცა ნაცვლად იმისა, რომ შეესრულებინა ხელშეკრულებით გათვალისწინებული პირობები და მოეხდინა ხიდის და სარკინიგზო გზაგამტარის რეკონსტრუქცია, დამფუძნებელმა თეიმურაზ წივწივაძემ მართლსაწინააღმდეგოდ მიითვისა ბიუჯეტის კუთვნილი 1 526 437 ლარი.

ბრალდებული დაკავებულია საქართველოს სისხლის სამართლის კოდექსის 182-ე მუხლის 2-ე ნაწილით გათვალისწინებული დანაშაულის ჩადენის ფაქტზე, რაც სასჯელის სახით ითვალისწინებს 7-დან 11 წლამდე პატიმრობას“, - განაცხადეს ფინანსთა სამინისტროს საგამოძიებო სამსახურში.

ივნისის სტიქიის შედეგად დაზიანებული ავტომობილების მფლობელ ფიზიკურ პირებს ფულადი ანაზღაურება გადაეცემათ

ADMIN — Thu, 04 Feb 2016 10:08:32 GMT

მერიის ქონების მართვის სააგენტოს ხელმძღვანელმა კარლო ლაფერაძემ 13-14 ივნისის სტიქიის შედეგად დაზიანებული ავტომობილების მფლობელებთან ფულადი დახმარების გაცემის შესახებ ხელშეკრულებას ხელი მოაწერა. როგორც მერიაში განაცხადეს, პირველ ეტაპზე ხელშეკრულება 27 ფიზიკურ პირთან გაფორმდება, რომლებსაც ფულადი დახმარების სახით, ჯამში 74 450 აშშ დოლარის ეკვივალენტი ლარში ჩაერიცხებათ. „13-14 ივნისს მომხდარი სტიქიის შედეგად დაზარალებულ 100-ზე მეტ ფიზკურ პირს განადგურებული, ან დაზიანებული სატრანსპორტო საშუალების საფასური ქალაქ თბილისის მუნიციპალიტეტის საკრებულოს №33-128 დადგენილების შესაბამისად აუნაზღაურდება. სატრანსპორტო საშუალება რომელზეც ფულადი დახმარება გაიცემა იყოფა ორ კატეგორიად. I კატეგორიაში შედის სტიქიის შედეგად განადგურებული ავტომობილები, რომლებიც შემფასებლის მიერ გაცემული დასკვნის მიხედვით არ ექვემდებარება აღდგენას. II კატეგორიაში კი შედის სტიქიის შედეგად დაზიანებული სატრანსპორტო საშუალება, რომელიც შემფასებლის მიერ გაცემული დასკვნის მიხედვით ექვემდებარება აღდგენას“, - აღნიშნეს მერიაში. მათი განმარტებით, შემფასებელი საჯარო სამართლის იურიდიული პირი ლევან სამხარაულის სახელობის სასამართლო ექსპერტიზის ეროვნული ბიუროა. „წესის შესაბამისად, I კატეგორიას მიეკუთვნება ის დაზარალებული პირები, რომლებმაც სტიქიის დროს დაკარგეს სატრანსპორტო საშუალებები, (და გაცემულია საქართველოს შინაგან საქმეთა სამინისტროს შესაბამისი ცნობა.) ამასთან, სატრანსპორტო საშუალების II კატეგორიას მიეკუთვნება სტიქიის შედეგად დაზიანებული სატრანსპორტო საშუალება, რომელიც უკვე აღდგენილია დაზარალებული პირის მიერ. I კატეგორიის სატრანსპორტო საშუალებისთვის რომლის საშუალო საბაზრო ღირებულება ნაკლებია 5 000 (ხუთი ათასი) აშშ დოლარის ეკვივალენტ ლარზე – გაიცემა ფულადი დახმარება სატრანსპორტო საშუალების სტიქიამდე არსებული სავარაუდო საბაზრო ღირებულების სრული ოდენობით; I კატეგორიის სატრანსპორტო საშუალებისთვის რომლის საშუალო საბაზრო ღირებულება 5 000 (ხუთი ათასი) აშშ დოლარის ეკვივალენტ ლარის ტოლია ან მეტია – გაიცემა ფულადი დახმარება სატრანსპორტო საშუალების სტიქიამდე არსებული სავარაუდო საბაზრო ღირებულების 70 %-ის ოდენობით. II კატეგორიის სატრანსპორტო საშუალებისთვის – გაიცემა ფულადი დახმარება სატრანსპორტო საშუალების სტიქიამდე არსებული სავარაუდო საბაზრო ღირებულების 25 %-ის ოდენობით. სააგენტო ფულად დახმარებას არ გაუწევს იმ პირებს, რომლებსაც დაზღვეული ჰყავდათ ავტომობილი. ასევე, იმ პირებს, რომლებსაც კერძო სექტორის მხრიდან გადაეცათ ავტომობილები, ან მიიღეს ფულადი დახმარება. იმ ფიზიკურმა პირებმა, რომლებსაც 13-14 ივნისის სტიქიის დროს დაუზიანდათ ავტომობილები და არ ირიცხებიან შინაგან საქმეთა სამინისტროს მიერ მოწოდებულ სიებში, უნდა მიმართონ თბილისის მუნიციპალიტეტის მერიის სსიპ ქონების მართვის სააგენტოს“, - განაცხადეს მერიაში.

ქეთა თოფურიას შვილის ფოტოები

ADMIN — Thu, 04 Feb 2016 09:28:01 GMT

მომღერალი ქეთა თოფურია ინსტაგრამში ოლივიას ახალ ფოტოებს აქვეყნებს, რომელსაც უამრავი ადამიანი გამოეხმაურა.

მართალია ოლივიას სახე მაინც არ არის კადრში დაფიქსირებული, თუმცა აშკარაა, რომ ქეთას გოგონა საგრძნობლად გაიზარდა.

ფანჯიკიძე: რას ერჩით მოხუც ადამიანს?

ADMIN — Thu, 04 Feb 2016 09:08:05 GMT

ფსიქოლოგი ნათია ფანჯიკიძე უმრავლესობის წევრის გოგი თოფაძის განცხადებას „ფეისბუქით“ გამოეხმაურა. საუბარია თოფაძის იმ განცხადებაზე, სადაც მან „დაუნი“ სალანძღავ სიტყვად გამოიყენა.

რას ერჩით მოხუც ადამიანს? ის ხომ მხოლოდ გამხმოვანებელია, ტექსტის წამკითხველი, უკვე რამდენი ხნის წინ და რა დაჟინებული, შე...
Posted by Natia Panjikidze on 2016 წლის 3 თებერვალი, ოთხშაბათი

კანონპროექტს, რომელიც რელიგიური გრძნობების შეურაცხყოფის დასჯას ითვალისწინებს საპატრიარქო ეხმაურება

ADMIN — Thu, 04 Feb 2016 08:49:44 GMT

საქართველოს ადმინისტრაციულ სამართალდარღვევათა კოდექსში” შესატანი ცვლილებების კანონპროექტთან კავშირს საქართველოს საპატრიარქო უარყოფს. ცვლილებები რელიგიური გრძნობების შეურაცხყოფისთვის ადმინისტრაციული პასუხისმგებლობის დაწესებას ითვალისწინებს.

„როგორც ცნობილია, საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტმა პირველი მოსმენით მხარი დაუჭირა კანონპროექტს, რომელიც ითვალისწინებს ადმინისტრაციული სახდელის შემოღებას რელიგიური გრძნობების შეურაცხყოფისათვის.

სოციალურ ქსელებშიც და ზოგიერთ საინფორმაციო საშუალებებშიც ვრცელდება ინფორმაცია ამ კანონპროექტთან საპატრიარქოს კავშირის შესახებ, მიაჩნიათ რა, რომ მისი მიზანი თითქოს საქართველოს მართლმადიდებელი ეკლესიისთვის „ჯანსაღი კრიტიკის აცილებაა“, რაც რეალობას არ შეესაბამება.

მიუხედავად იმისა, რომ ქვეყანაში ძალიან ხშირია ეკლესიისა და მისი საჭეთმპყრობელის მიმართ ცილისწამებლური და სიძულვილის ენის შემცველი განცხადებები და გამოსვლები, მსგავსი კანონპროექტის მიღების საკითხი არც ადრე და არც ამჟამად ჩვენი ინიციატივა არ ყოფილა.

რელიგიურ თემებთან დაკავშირებულ ამ და სხვა მნიშვნელოვან პრობლემებთან მიმართებაში მომავალ სამშაბათს საქართველოს საპატრიარქოში იგეგმება ინტერრელიგიურ საბჭოში შემავალი რელიგიური გაერთიანებების სამუშაო შეხვედრა“, - განაცხადეს საპატრიარქოში.

ცნობისთვის, სამოქალაქო პლატფორმა „არა ფობიას!" გამოხატავს უკიდურესად უარყოფით დამოკიდებულებას საქართველოს პარლამენტში ინიცირებული კანონპროექტისადმი, - „იკვეთება, რომ კანონის მიღების მიზანს მართლმადიდებელი ეკლესიის მიმართ არსებული ჯანსაღი კრიტიკის აკრძალვა წარმოადგენს“.

საქმე ეხება ცვლილებებს, რომლის თანახმადაც პირის რელიგიური გრძნობების შეურაცხყოფა გამოიწვევს დაჯარიმებას 300 ლარით ოდენობით, ხოლო განმეორების შემთხვევაში ჯარიმა 600 ლარია. რელიგიური სიწმინდეების და საკულტო ნაგებობების წაბილწვა 500 ლარით დაჯარიმებას გამოიწვევს, ხოლო განმეორების შემთხვევაში ჯარიმა 1000 ლარია.

აშშ-ში პირველად დაფიქსირდა ზიკა ვირუსი, რომელიც სქესობრივი კავშირით გადაიცა

ADMIN — Wed, 03 Feb 2016 20:54:08 GMT

აშშ-ში პირველად დაფიქსირდა ზიკა ვირუსი, რომელიც სქესობრივი კავშირით გადაიცა. ინფორმაციას BBC-ს აშშ-ს დაავადებათა კონტროლის ცენტრზე (CDC) დაყრდნობით ავრცელებს. მათი ინფორმაციით, დაავადებულს არ უმოგზაურია იმ ქვეყნებში, რომლებშიც ეს ვირუსია გავრცელებული, თუმცა მისი პარტნიორი, ცოტა ხნის წინ, ვენესუელიდან დაბრუნდა.

ვირუსი ძირითადად სამხრეთ ამერიკაშია გავრცელებული და ის კოღოების საშუალებით ვრცელდება. სწორედ ზიკა ვირუსს უკავშირებენ განუვითარებელი ტვინით (მიკროცეფალიით) დაბადებულ ათასობით ბავშვს.

ამერიკული წითელი ჯვარი სისხლის დოდნორებს მოუწოდებს, რომ საშიშ რეგიონში სტუმრობის შემდეგ, 28 დღე დააყოვნონ, სანამ სისხლს ჩააბარებენ.

ბრაზილიამ, სადაც ვირუსი ყველაზე მეტად არის გავრცელებული, გაავრცელა ინფორმაცია იმის შესახებ, რომ ისინი მიკროცეფალიის 3670 შემთხვევას იკვლევენ, რომელიც შესაძლოა ზიკს ვირუსს უკავშირდებოდეს.

ჯანდაცვის მსოფლიო ორგანიზაციამ ვირუსთან დაკავშირებით, გლობალურ საზოგადოებრივ ჯანდაცვაში საგანგებო მდგომარეობა გამოაცხადა.

თიბისი ბანკი საქართველოს რაგბის კავშირის გენერალური სპონსორი გახდა

ADMIN — Wed, 03 Feb 2016 20:31:20 GMT

„რაგბი ჩვენი თამაშია“ - თიბისი ბანკი საქართველოს რაგბის კავშირის და ეროვნული ნაკრების გენერალური სპონსორია. ამის შესახებ დღეს გამართულ პრესკონფერენციაზე გახდა ცნობილი, რომელსაც თიბისი ბანკის ხელმძღვანელობა, რაგბის კავშირის ადმინისტრაცია, მორაგბეები და მედია დაესწრო.

მხარეთა შორის გაფორმებული ხელშეკრულების თანახმად, თიბისი ბანკი საქართველოს რაგბის კავშირის, რაგბის ეროვნული ნაკრების, საქართველოს რაგბის ყველა ასაკობრივი ეროვნული ნაკრების გენერალური სპონსორი ხდება. ასევე, თიბისი ბანკი ეროვნული შვიდკაცა ნაკრების ერთ-ერთი ძირითადი პარტნიორი იქნება.

საქართველოს რაგბის კავშირისა და თიბისი ბანკის თანამშრომლობის მთავარი მიზანია, ქართულ საზოგადოებაში დაინერგოს რაგბი და სარაგბო ღირებულებები, რაგბი გახდეს ქართული კულტურის განუყოფელი ნაწილი და გაძლიერდეს მისი პოპულარიზაცია, როგორც ქვეყნის შიგნით, ისე საერთაშორისო ასპარეზზე.

„დღეს ორი წარმატებული ბრენდი თიბისი ბანკი და ქართული რაგბი დაუკავშირდა ერთმანეთს იმისთვის, რომ მეტი სიხარული მიანიჭოს ქართულ საზოგადოებას. ჩვენ უნდა დავიბრუნოთ გამარჯვების განცდა. რაგბი არ არის მხოლოდ სპორტი, ეს არის ფილოსოფია გამარჯვების მისაღწევად. გამარჯვებას რომ მიაღწიო სულ უნდა იყო მოძრაობაში, სწორედ ამიტომ არის რაგბი ჩემთვის საინტერესო სპორტი,“რაგბი ჩვენი თამაშია!“ - განაცხადა თიბისი ბანკის სამეთვალყურეო საბჭოს თავმჯდომარემ მამუკა ხაზარაძემ ერთობლივ პრესკონფერენციაზე.

გრძელვადიანი თანამშრომლობის ფარგლებში საქართველოს რაგბის ეროვნულ ნაკრები „რაგბი ევროპის“ წლევანდელი ჩემპიონატისთვის უკვე თიბისი ბანკის მხარდაჭერით მოემზადება. გეგმაშია ბევრი ერთობლივი ღონისძიება, მათ შორის სოციალური პროექტები და რაგბის ბრენდული მაღაზიის განახლება. 6 თებერვალს კი „რაგბი ევროპის“ ჩემპიონატის პირველ თამაშზე, სადაც საქართველო გერმანიას დაუპირისპირდება, ბორჯღალოსნები უკვე თიბისი ბანკის ბრენდის ქვეშ იასპარეზებენ.

2017 წელს საქართველო მნიშვნელოვანი სპორტული მოვლენისთვის ემზადება - ჩვენი ქვეყანა მსოფლიო რაგბის 20 წლამდელთა ჩემპიონატს უმასპინძლებს, სადაც საქართველოს ნაკრები თიბისი ბანკის მხარდაჭერით ითამაშებს.

„დიდი მადლობა თიბისი ბანკს თანადგომისთვის. როგორც აქამდე მოვდიოდით გამარჯვებებით, ასევე ვაპირებთ გაგრძელებას ამჯერად იმ პარტნიორთან ერთად, ვისთანაც გვაქვს სრული თანხვედრა. საზოგადოებას ვპირდებით, რომ რაგბი გახდება სახალხო სპორტი და ჩვენ ამას შევძლებთ ჩვენს ახალ პარტნიორთან ერთად,“ - აღნიშნა საქართველოს რაგბის კავშირის პრეზიდენტმა გოჩა სვანიძემ.

„ ქართულ რაგბს ჰყავს ახალი პარტნიორი, გენერალური სპონსორი თიბისი ბანკის სახით, რომელიც არის ერთ-ერთი ყველაზე წარმატებული ბიზნესი საქართველოში. დღეს ორი ძალიან წარმატებული ბრენდი იწყებს თანამშრომლობას, იმისათვის რომ გააძლიერონ ქვეყანაში გამარჯვების და წარმატების განცდა, რაც ჩვენი ხალხისთვის და ჩვენი ქვეყნისთვის ძალიან მნიშვნელოვანია,“ - აღნიშნა რაგბის კავშირის ყოფილმა პრეზიდენტმა გიორგი ნიჟარაძემ.

საქართველოში ლელობურთის ტრადიცია უძველესი დროიდან იღებს სათავეს, თანამედროვე რაგბი ამ ტრადიციის ღირსეული გაგრძელებაა. ეს არის მემკვიდრეობა, რომელიც მომავალ თაობას უნდა გადაეცეს და თიბისი ბანკის გუნდი ბედნიერია, რომ მნიშვნელოვან წვლილს შეიტანს ამ ეროვნულ საქმეში.

#რაგბიჩვენითამაშია

FIFA-მ რუსეთის ფედერაციის რუკა ყირიმის გარეშე გამოაქვეყნა

ADMIN — Wed, 03 Feb 2016 20:25:41 GMT

ფიფა-მ ოფიციალურ ტვიტერში რუსეთის ფედერაციის რუკა, ყირიმის გარეშე გამოაქვეყნა. სოციალური ქსელის მომხმარებლებმა ამ ფაქტს ყურადღება მიაქციეს და ამის შემდეგ, ჩანაწერი ტვიტერიდან აიღეს.

"Россия-2018" საორგანიზაციო კომიტეტმა, აღნიშნულთან დაკავშირებით კომენტარი არ გააკეთა.

"კომენტარის გარეშე", განაცხადა საორგანიზაციო კომიტეტის გენდირექტორმა, ალექსეი სოროკინმა.

ასეთივე შემთხვევა დაფიქსირდა კომპანია Coca-Cola-სთანაც.

Coca-Cola რუსეთის ფილიალმა, სოციალურ ქსელში რუსეთის ფედერაციის რუკა, ყირიმის გარეშე გამოაქვეყნა.

ამ ფაქტს, კომპანიის მხრიდან ბოდიშის მოხდა და რუკის ჩასწორება მოჰყვა, რამაც კიევის უარყოფითი რეაქცია გამოიწვია.

ფილიპე ლუისი 3-მატჩიანი დისკვალიფიკაციით დაისაჯა

deeviil1 — Wed, 03 Feb 2016 14:59:44 GMT

მადრიდის "ატლეტიკოს" მარცხენა მცველი ფილიპე ლუისი, "ბარსელონასთან" მატჩის დროს ლიონელ მესის წინააღმდეგ უხეშობის გამო, სამმატჩიანი დისკვალიფიკაციით დაისაჯა.

29 იანვარს, "ბარსელონამ" "ატლეტიკო" 2:1 დაამარცხა და პრიმერაში პირველ ადგილზე ერთპიროვნულად გადაინაცვლა. შეხვედრის პირველ ტაიმში, ფილიპე ლუისმა მესის წინააღმდეგ იუხეშა, რის გამოც მან პირდაპირ წითელი ბარათი მიიღო.

დღეს ესპანეთის ფეხბურთის ფედერაციის სადისციპლინო კომიტეტის გადაწყეტილება გახდა ცნობილი. გაირკვა, რომ 30 წლის ბრაზილიელ მარცხენა მცველს 3-მატჩიანი დისკვალიფიკაცია მისცეს. ის "ეიბართან", "ხეტაფესთან" და "ვილიარეალთან" გასამართ მატჩებს გამოტოვებს და გუნდს "რეალთან" შეხვედრაში დაუბრუნდება.

„მადლობა მინდა ვუთხრა პრეზიდენტს ყველა იმ სიტყვისთვის, რომელიც ქართველ სამხედრო მოსამსახურეებზე თქვა“

deeviil1 — Wed, 03 Feb 2016 14:56:12 GMT

საქართველოს პრეზიდენტი ქვეყნის საკანონმდებლო ორგანოში წლიური მოხსენებით წარდგა. ქვეყნის უმნიშვნელოვანეს საკითხებზე საუბრისას გიორგი მარგველაშვილმა ყურადღება თავდაცვისა და უსაფრთხოების საკითხებსა და ქვეყნის ნატოში ინტეგრაციის მიმართულებით განხორციელებულ და დაგეგმილ ღონისძიებებზე გაამახვილა. საქართველოს პრეზიდენტმა მადლობა გადაუხადა ქართველ ჯარისკაცებს, რომლებიც საკუთარ სამშობლოს და მშვიდობას მსოფლიო მასშტაბით ემსახურებიან.

პარლამენტში პრეზიდენტის ყოველწლიურ გამოსვლას პრემიერმინისტრთან და მინისტრთა კაბინეტის სხვა წევრებთან ერთად თავდაცვის მინისტრი თინათინ ხიდაშელი დაესწრო. პრეზიდენტის ანგარიში და მთავარი გზავნილები სხდომის დასრულების შემდეგ ჟურნალისტებთან საუბრისას შეაფასა საქართველოს თავდაცვის მინისტრმა.

„ჩვენ გვქონდა შესაძლებლობა რამდენიმე დღის წინ უშიშროების საბჭოს სხდომაზე ყველა ეს საკითხი გაგვევლო. საერთაშორისო მისიები ერთ-ერთი ყველაზე მთავარი თემა იყო ჩვენს შეკრებაზე, შესაბამისად, ყველა სიტყვა, რომელიც ჩვენ დღეს პრეზიდენტისგან მოვისმინეთ, გამომდინარეობს იმ კონტექსტიდან, ერთობლივი კონსენსუსიდან, რომელიც უშიშროების საბჭოზე განვიხილეთ. საქართველოს ჰყავს ხელისუფლება ორივე ხელისუფალის წარმომადგენლობით, იქნება ეს პრემიერმინისტრი თუ პრეზიდენტი, რომლებსაც ერთნაირი ხედვა აქვთ იმის შესახებ, რომ ევროატლანტიკური ინტეგრაცია შეუქცევადია საქართველოს თავდაცვისუნარიანობის გაძლიერებისთვის.

ჩვენი ქვეყნის უსაფრთხოების უფრო მეტი სიმტკიცისთვის პრინციპულად მნიშვნელოვანია, რომ საქართველო იყოს საერთაშორისო უსაფრთხოების არქიტექტურის მონაწილე და წევრი ქვეყანა. საერთაშორისო მისიები, სწორედ, ამ საკითხის შემადგენელი ნაწილია...

მადლობა მინდა ვუთხრა პრეზიდენტს ყველა იმ სიტყვისთვის, რომელიც ქართველ სამხედრო მოსამსახურეებზე თქვა. ძალიან მნიშვნელოვანია, როდესაც ქვეყნის უმაღლესი მთავარსარდალი ქვეყნის მთავარი ტრიბუნიდან საუბრის დროს საკუთარი გამოსვლის მნიშვნელოვან ნაწილს ამ თემას უთმობს. ეს ყველა სამხედროსთვის და მთლიანად თავდაცვის სამინისტროსთვის მნიშვნელოვანია“,- განაცხადა თინათინ ხიდაშელმა.

„გაზპრომი“ არ არის მხოლოდ ენერგეტიკა“ - პრეზიდენტი რუსეთთან ენერგოთანამშრომლობას რბილი ძალის ნაწილს უწოდებს

deeviil1 — Wed, 03 Feb 2016 14:53:02 GMT

სახელმწიფო მეთაურმა პარლამენტში სიტყვით გამოსვლისას ენერგოუსაფრთხოების თემაზეც გაამახვილა ყურადღება და აღნიშნა, რომ „გაზპრომთან“ მოლაპარაკებები გამჭვირვალედ უნდა მიმდინარეობდეს.

„რუსეთის ფედერაციასთან ეკონომიკური და განსაკუთრებით ენერგოთანამშრომლობა რბილი ძალის ნაწილია. მიწევს გავიმეორო - გაზპრომი არ არის მხოლოდ ენერგეტიკა. არ უნდა დავივიწყოთ, რომ, რუსეთი ეკონომიკურ ბერკეტებს პოლიტიკური მიზნით იყენებს. ამიტომ გაზპრომთან მოლაპარაკებები ქვეყნის უმაღლესი პოლიტიკური ხელმძღვანელობის მანდატით, დადგენილი წითელი ხაზების ფარგლებში გამჭვირვალედ უნდა მიმდინარეობდეს"-განაცხადა საქართველოს პრეზიდენტმა.

ვოლსკი: ეს არის ალბათ ბედი პრეზიდენტისა

deeviil1 — Wed, 03 Feb 2016 14:50:21 GMT

„უფრო მკაფიოდ უნდა ყოფილიყო მესიჯები, მეტი სირღმისეული ანალიზია საჭირო ასეთი ტიპის გამოსვლებისას“- ასე შეაფასა უმრავლესობის დეპუტატმა გია ვოლსკიმ პრეზიდენტის გამოსვლა პარლამენტში. ვოლსკის თქმით, როდესაც არ არის ნათელი სურათი, როდესაც გარკვეულ მხარეს იკავებს პრეზიდენტი, შეიძლება, მხარეთა უმრავლესობა უკმაყოფილო დარჩეს.

„ჩემი აზრით, უფრო მკაფიოდ უნდა ყოფილიყო მესიჯები, მეტი სირღმისეული ანალიზია საჭირო ასეთი ტიპის გამოსვლებისას. ეს არის ალბათ ბედი პრეზიდენტისა, რომელიც უნდა ასრულებდეს, გარკვეულად, მედიატორის როლს საზოგადოებაში. შიდაეროვნული თანხმობის საკითხებზე, განსაკუთრებით პრინციპულ საკითხებზე. ხშირ შემთხვევაში, როდესაც არ არის ნათელი სურათი, როდესაც გარკვეულ მხარეს იკავებს პრეზიდენტი, შეიძლება, მხარეთა უმრავლესობა უკმაყოფილო დარჩეს. თუმცა, ვფიქრობ, არის საინტერესო პასაჟები მის გამოსვლაში. ჩასაფიქრებელია, გასაანალიზებელია, მიუხედავად იმისა, მოგვწონს თუ არ მოგვწონს ზოგიერთი მიდგომა.მე ჩემს პოზიციას გამოსვლისას გამოვხატავ.

მოსმენებთან დაკავშირებით აჟიოტაჟის შექმნას შეუწყო ხელი, მაშინ, როდესაც ამის რეალური საშიშროება ნამდვილად არ არსებობდა და ამის საჭიროება არ იყო. რაც შეეხება მედიასაშუალებებეს, მე არ მეგულება საქართველოში მედია, რომელიც ხოტბას ასხამდეს ხელისუფლებას და ამის მაგალითები სულ ეხლახანს გვქონდა.

საარჩევნო სისტემის შეცვლასთან დაკავშირებით, ვფიქრობ, პრეზიდენტის პოზიცია აგებულია გარკვეული, ერთი ჯგუფის მოსაზრებებზე და არ ითვალისწინებს იმის აუცილებლბას, რომ პრეზიდენტის ინსტიტუტს მეტი მოეთხოვება, როდესაც ორი პოზიცია ერთმანეთს უპირისპირდება“,-განაცხადა ვოლსკიმ.

ეროვნულმა ბანკმა 4 თებერვლისთვის ლარის ოფიციალური გაცვლითი კურსი დაადგინა

deeviil1 — Wed, 03 Feb 2016 14:48:00 GMT

საქართველოს ეროვნულმა ბანკმა 4 თებერვლისთვის ლარის ოფიციალური გაცვლითი კურსი დაადგინა, რომლის მიხედვითაც ეროვნული ვალუტა დოლართან მიმართებით - 0.0176 პუნქტით უფასურდება. შესაბამისად, დოლარი 2.4939 ლარი ეღირება.

ლარის კურსი ევროსთან მიმართებითაც უფასურდება და ევროს ღირებულება 0.0247 პუნქტით მეტი, 2.7256 ლარი იქნება.

ხადახან გავიხსენოთ ზვიად გამსახურდია“ - სანიკიძემ პრეზიდენტს უსაყვედურა

deeviil1 — Wed, 03 Feb 2016 14:45:27 GMT

„ეროვნული ფორუმის“ წარმომადგენელმა გუბაზ სანიკიძემ პრეზიდენტ გიორგი მარგველაშვილს პარლამენტში გამოსვლისას, ზვიად გამსახურდიას არხსენების გამო უსაყვედურა.

„თქვენ ახსენეთ, ორი ისტორიული პიროვნება, მოღვაწე, ნოე ჟორდანია და ზურაბ ჟვანია. არ ვიტყვი იმას, რომ თქვენ ეს შეგნებულად გამოგრჩათ, თუმცა, მე არ ვიცი, რას შეიძლება დავაბრალო - ზვიად გამსახურდია არ იქნა ნახსენები ამ დარბაზში.

საქართველოს დამოუკიდებლობა, მოგვწონს ვინმეს, არ მოგვწონს, ვიყავით მისი მომხრეები, ან მოწინააღმდეგეები, ჰქონდა თუ არა მას შეცდომები - ამ ქვეყნის დამოუკიდებლობის სოლისტი, მედროშე, არის ზვიად გამსახურდია. მოკლე მეხსიერებამ ჩვენ ბევრჯერ წაგვაგებინა და ვთვლი, რომ მოკლე მეხსიერება არ არის ჩვენი მოკავშირე. იმასაც ვთვლი, რომ ზვიად გამსახურდია არ არის ის პერსონა, რომელიც ჩვენ სასწრაფოდ უნდა დავივიწყოთ. ზვიად გამსახურდიას პერსონა არაფერში არ უშლის ხელს ქართულ სახელმწიფოს და მისი ხსოვნა, მისი საქმიანობის ხსოვნა.

აბსოლუტური და უნივერსალური პიროვნებები ისტორიამ არ იცის. ძალიან დიდი ადამიანები, ჯორჯ ვაშინგტონი იქნება, ჯუზეპე გარიბალდი, მარკიზ ლაფაიეტი იქნება - ესენი არ იყვნენ უნაკლო ადამიანები, მაგრამ ისინი ემსახურებოდნენ დიდ იდეებს, ადამიანის თავისუფლებას - სოციუმის თავისუფლებას.

არ მიიღოთ ეს შენიშვნად, თუმცა, შეხსენებად შეიძლება ჩავთვალოთ - ხადახან გავიხსენოთ ზვიად გამსახურდია, ამ ქართული სახელმწიფოს შემქმნელი, დამოუკიდებლობის გამომცხადებელი. გაივლის ასწლეულები, ღმერთმა ქნას, ათასწლეულები და საქართველო არსებობდეს - პატარა ქართველ ბავშვს რომ ჰკითხონ, ვინ მოუტანა საქართველოს დამოუკიდებლობა, ყოველთვის იტყვიან, რომ ის იყო ზვიად გამსახურდია“, - განაცხადა სანიკიძემ.

ბათუმში, ვირუსით 39 წლის ქალი გარდაიცვალა

ADMIN — Wed, 03 Feb 2016 09:52:00 GMT

ვირუსული ინფექციით ბათუმში, ქალი გარდაიცვალა. ჯერჯერობით უცნობია, თუ რომელი ტიპის ვირუსმა გამოიწვია გარდაცვალება. 39 წლის ქალი მწვავე პნევმონიის დიაგნოზით, რესპუბლიკურ საავადმყოფოში მკურნალობდა.

ეს გრიპით გარდაცვალების უკვე მეცხრე შემთხვევაა. დაავადებათა კონტროლის ეროვნული ცენტრის ხელმძღვანელი ამირან გამყრელიძე მოუწოდებს მოსახლეობას, გრიპის პირველივე სიმპტომების შემთხვევაში, დაუყოვნებლივ მიმართოს ოჯახის ექიმს ან საავადმყოფოს.

შუხუთის ეკლესიის წინამძღვარმა თეთრი ლიმუზინი შეიძინა

ADMIN — Wed, 03 Feb 2016 09:39:09 GMT

როგორც „გურიის მოამბეს“ ამ დილით ლანჩხუთიდან აცნობეს, შუხუთისა და ნიგვზიანის ეკლესიების წინამძღვარმა, მამა საბამ, ლიმუზინი შეიძინა, ძირითადად კომერციული მიზნებისთვის და მას მექორწილეებზე გააქირავებს.

თავად მამა საბა ლიმუზინის შეძენას და მასთან კავშირს უარყოფს და აცხადებს, რომ ამ ბიზნესით მისი ვაჟიშვილია დაკავებული,:

„კი, ვაქირავებთ, მაგრამ ჩემი შვილისაა, უკვე დიდი კაცია და მან შეიძინა“-გვიპასუხა მამა საბამ.

გიორგი ჟღენტი კი, აცხადებს, რომ ლიმუზინის ერთი მომსახურება 150 ლარიდან-350 ლარამდეა და ის ბიძამ აჩუქა:

„ბიძაჩემმა მიყიდა და ვაქირავებთ“- ამბობს გიორგი.

"ვერ მივხვდით, რომ ის ალ პაჩინო იყო. უცნაურად იქცეოდა, ხალხმრავალ ქუჩაში სულელივით დაქროდა" (ფოტოები)

ADMIN — Wed, 03 Feb 2016 09:22:11 GMT

"ოსკარის" მფლობელი, ბრწყინვალე მსახიობი ალ პაჩინო უცნაური საქციელით საზოგადოებას აკვირვებს.

ამჯერდა, 75 წლის მსახიობმა ბროდვეიზე რეპეტიციის შემდეგ, ნიუ-იორკის ქუჩებში გაისეირნა: უცნაურად ჩაცმული ალ პაჩინო ვერავინ იცნო.

"ბომჟივით გამოიყურებოდა, მეგობრები თავიდან ვერ მივხვდით, რომ ის ალ პაჩინო იყო. ძალიან უცნაურად იქცეოდა, ხალხმრავალ ქუჩაში სულელივით დაქროდა", წერს თვითმხილველი სოციალურ ქსელში.

14 მილიონი აშშ დოლარის გრანტი - საქართველოში მასწავლებელთა და სკოლის დირექტორთა პროფესიული განვითარებისთვის

ADMIN — Wed, 03 Feb 2016 09:04:12 GMT

მასწავლებელთა პროფესიული განვითარების ეროვნული ცენტრი, „ათასწლეულის განვითარების ფონდი - საქართველოს“ ფინანსური და ტექნიკური მხარდაჭერით, ქვეყნის მასშტაბით მასწავლებელთა და სკოლის დირექტორთა პროფესიული განვითარების პროექტის განახორციელებას იწყებს. პროექტის პრეზენტაცია სასტუმრო „თბილისი მარიოტში” გაიმართა, სადაც მხარეებმა ურთიერთთანამშრომლობის მემორანდუმიც გააფორმეს.

14 მილიონი აშშ დოლარის ღირებულების პროექტი ათასწლეულის გამოწვევის კორპორაციის მეორე კომპაქტის ერთ-ერთ კომპონენტს წარმოადგენს და მიზნად ისახავს საბუნებისმეტყველო, მათემატიკის, საინფორმაციო ტექნოლოგიების, გეოგრაფიისა და ინგლისური ენის 7-12 კლასის მასწავლებელთა, ასევე სკოლის დირექტორთა პროფესიული განვითარების გზით სწავლა-სწავლების ხარისხის გაუმჯობესებას და სკოლის მართვის ხარისხის დახვეწას.

დასახული მიზნების მისაღწევად, ზემოაღნიშნულ საგნებში გადამზადდება 20,000-მდე მასწავლებელი და ყველა საჯარო სკოლის დირექტორი, გარდა ამისა, მომზადდება სკოლის ბაზაზე პროფესიული განვითარების 2000-ზე მეტი ფასილიტატორი. აღნიშნული ღონისძიებები ხელს შეუწყობს ზოგადსაგანმანათლებლო სკოლებში უწყვეტი პროფესიული განვითარების ეფექტიანი სისტემის დანერგვას, ასევე მასწავლებელთა პროფესიული განვითარების ეროვნული ცენტრის შესაძლებლობების გაზრდას, სატრენინგო მასალებისა და საჭირო რესურსის შექმნას. პროექტი დაიწყო 2016 წლის იანვარში და დასრულდება 2019 წლის ზაფხულში.

პროექტის ამოქმედებისადმი მიძღვნილი ღონისძიება „თბილისი მარიოტში“ საქართველოს განათლებისა და მეცნიერების მინისტრმა თამარ სანიკიძემ, ათასწლეულის გამოწვევის ფონდის აღმასრულებელმა დირექტორმა მაგდა მაღრაძემ, ათასწლეულის გამოწვევის კორპორაციის ვიცე პრეზიდენტის მოადგილემ ფატემა სუმარიმ და მასწავლებელთა პროფესიული განვითარების ცენტრის დირექტორი, გიორგი მაჩაბელმა გახსნეს.

რატომ მოდის პოლიტიკაში პაატა ბურჭულაძე?

deeviil1 — Wed, 03 Feb 2016 08:30:36 GMT

მე უნდა გავაერთიანო ის ხალხი, ვისაც უნდა საქართველოს ფეხზე დაყენება და ამას აუცილებლად შევძლებ. ეს ხმამაღალი განცხადება პაატა ბურჭულაძემ „TV პირველის“ ეთერში, ინგა გრიგოლიას გადაცემაში გააკეთა. ქართველი მომღერალი, რომელიც საკუთარ თავს "რუს ბანს" უწოდებს, პოლიტიკაში დიდი ამბიციით მოდის.

გადაცემის წამყვანის კითხვაზე, იყო თუ არა ხელისუფლების მხრიდან მისი შეჩერების მცდელობა, ბურჭულაძემ უპასუხა:
„ხელისუფლებიდან ჩემი შეჩერების სიგნალი არ წამოსულა. მე წინა ხელისუფლებიდან მაქვს მიღებული გამოცდილება, როდესაც რამდენჯერმე შემომითვალეს „სტოპ“, მაგრამ მე წითელ შუქზე არ გავჩერებულვარ და თხოვნა მაქვს, რომ ამ ხელისუფლებამ ეს არ გააკეთოს.“

ძნელი სათქმელია, ასე თავგამოდებით რატომ უნდა პოლიტიკაში მოსვლა ქველმოქმედად ცნობილ ხელოვანს, ან რა მიზნები აქვს მას, მაგრამ ფაქტია: ამბიცია ძალიან დიდია, ხოლო პოლიტიკური ორიენტაცია, ნამდვილად არ იხრება დასავლეთისკენ...

ამაზე თუნდაც მისი ცნობილი განცხადება მეტყველებს. როგორც ცნობილია, რუსულ გადაცემაში პაატა ბურჭულაძემ თქვა:

"იმის მიუხედავად, რომ სისხლით და ხორცით ქართველი ვარ, მე უცხოეთში რუსულ სკოლას წარმოვადგენ და ჩემთვის დიდი პატივია, როცა მსოფლიოში მომიხსენიებენ, როგორც რუს ბანს". როგორც ჩანს, ქართველ პოლიტიკოსებს, რომლებისთვისაც მზე კვლავ ჩრდილოეთიდან ამოდის, მომავალ აქტიურ საარჩევნო-პოლიტიკურ სეზონზე, რიგებში მატება ექნებათ.

საავტომობილო გზებზე მოძრაობის სპეციალური რეჟიმია დაწესებული

deeviil1 — Wed, 03 Feb 2016 08:19:10 GMT

საავტომობილო გზების დეპარტამენტის ინფორმაციით, ამ დროისათვის მცხეთა–სტეფანწმინდა–ლარსის საავტომობილო გზის სხვადასხვა მონაკვეთებზე დაწესებულია შემდეგი სახის მოძრაობის რეჟიმები :

თოვლის, ძლიერი ყინვის და ლიპყინულის გამო, მცხეთა–სტეფანწმინდა–ლარსის საავტომობილო გზის არაგვისპირი-გუდაური-ლარსის მონაკვეთზე აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა.

დანარჩენი სახის ავტოტრანსპორტის მოძრაობა გუდაური(ფოსტა)-კობის მონაკვეთზე დასაშვებია მოცურების საწინააღმდეგო ჯაჭვების გამოყენებით, ხოლო არაგვისპირი-გუდაური(ფოსტა) და კობი-ლარსის მონაკვეთზე თავისუფალია.

ორი და მეტი წამყვანი ხიდის მქონე ავტოტრანსპორტის მოძრაობა მთელ გზაზე თავისუფალია.

გუდაური(ფოსტა)–კობის მონაკვეთზე ავტოტრანსპორტის მოძრაობა განხორციელდება გაუჩერებლად გავლის რეჟიმში, მხოლოდ ზვავდამცავი გვირაბების გავლით. ამავე გზის სტეფანწმინდა-ლარსის მონაკვეთზე ავტოტრანსპორტის მიმოსვლისას იკრძალება მათი გაჩერება.

რაც შეეხება სხვა საავტომობილო გზებს:

ინტენსიური თოვის გამო, ქუთაისი-ტყიბული-ამბროლაურის საავტომობილო გზის კმ37-კმ55 (ნაქერალას უღელტეხილი) მონაკვეთზე აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა. დანარჩენი სახის ავტოტრანსპორტის მოძრაობა თავისუფალია.

დიდთოვლობის და ლიპყინულის გამო, ზუგდიდი-ჯვარი-მესტია-ლასდილის საავტომობილო გზის კმ30-კმ188 (ჯვარი-უშგული) მონაკვეთზე აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა. დანარჩენი სახის ავტოტრანსპორტის მოძრაობა კმ100-კმ173 (ლახამურა-კალა) მონაკვეთზე მოძრაობა დასაშვებია მოცურების საწინააღმდეგო ჯაჭვების გამოყენებით, ხოლო კმ173-კმ188 (კალა-უშგული) მონაკვეთზე აკრძალულია. ორი და მეტი წამყვანი ხიდის მქონე ავტოტრანსპორტის მოძრაობა კმ30-კმ188 (ჯვარი-უშგული) მონაკვეთზე თავისუფალია. კმ1-კმ30 (ზუგდიდი-ჯვარი) მონაკვეთზე კი ავტოტრანსპორტის მოძრაობა თავისუფალია.

უხვი ნალექების შედეგად, ქუთაისი-ალპანა-მამისონის უღელტეხილის საავტომობილო გზის 5-ე კმ-ში მეწყრული პროცესების გააქტიურების შედეგად ჩაწყდა მიწის ვაკისი, რის გამოც აღნიშნულ მონაკვეთზე იკრძალება ავტროტრანსპორტის მოძრაობა. ავტოტრანსპორტის ნაკადი გადართულია გუმათი-რიონი-ზარათი-ოფურჩხეთის საავტომობილო გზის გავლით, ხოლო აღნიშნული მიმართულებით მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა აკრძალულია.

რთული მეტეოროლოგიური პირობების გამო (ძლიერი ქარბუქის და დაბალი ხილვადობის გამო), კოდა–ფარცხისი–მანგლისი–წალკა–ნინოწმინდის საავტომობილო გზის საუღელტეხილო მონაკვეთზე (ნარდევანი–როდიონოვკა(ფარავანი) მონაკვეთზე კმ94–კმ110), ყველა სახის ავტოტრანსპორტის მოძრაობა აკრძალულია.

ინგლისის გარეშე არ შემეძლო

deeviil1 — Tue, 02 Feb 2016 19:00:17 GMT

ოფიციალურად გაცხადდა: პეპ გვარდიოლა ინგლისში ”სიტიში” მიდის.
მიუნხენის ”ბაიერნის” მთავარმა მწვრთნელმა ახსნა, რატომ მიიღო ”მანჩესტერ სიტის” წინადადება.

”55-60 წლის რომ ვიყო, ”ბაიერნში” დავრჩებოდი მანამ, სანამ კარლ-ჰაინც რუმენიგე ან მატიას ზამერი არ მეტყოდნენ: გეყოფა. მაგრამ ჯერ კიდევ ახალგაზრდა ვარ, ახალი გამოწვევა მჭირდება. ვერ დავამთავრებდი კარიერას ისე, რომ თავი ინგლისში არ გამომეცადა. მიყვარს ახალი რესტორნების, ახალი ქალაქების აღმოჩენა. მინდა ეს ატმოსფერო, ეს ემოციები გამოვცადო. ვიცი, რომ ეს რისკია, მაგრამ ეს სწორედ ისაა, რაც მჭირდება”, – თქვა გვარდიოლამ.

თბილისში ტაქსების მძღოლებს აღრიცხავენ – იგეგმება თუ არა ტაქსების ლიცენზირება

deeviil1 — Tue, 02 Feb 2016 18:54:36 GMT

ტაქსების ლიცენზირების საკითხი ამ ეტაპზე დღის წესრიგში საერთოდ არ დგას.

”კარგად გვესმის ამ სექტორში დასაქმებული ადამიანებისთვის რამდენად დიდი მნიშვნელობა აქვს ეკონომიკური თვალსაზრისით შემოსავალს, ამიტომ ლიცენზირების საკითხი თბილისის მთავრობის მიერ ამ დროისთვის არ განიხილება” – ამის შესახებ რადიო ”ფორტუნას” დედაქალაქის მერის მოადგილემ, ირაკლი ლექვინაძემ განუცხადა.

მისი განმარტებით, საუბარია მხოლოდ თბილისში მოძრავი ტაქსების აღრიცხვიანობასა და მძღოლების ვინაობის დადგენაზე, რაც თავად ტაქსის მფლობელი მძღოლებისთვის არანაირ დამატებით ხარჯს არ უკავშირდება, მათ არც გადაადგილება შეეზღუდებათ.

ლექვინაძის ინფორმაციითვე, საუბარია მხოლოდ იმ ადამიანთა ვინაობის რეგისტრაცია-აღრიცხვიანობაზე, ვინც დღესდღეობით თბილისში ტაქსით მომსახურების სერვისს ეწევა.

მერის მოადგილის განმარტებით, ტაქსის მძღოლების დადგენილი ბაზის ქონა უპირველესად მგზავრის უსაფრთხოების დაცვის ერთგვარი გარანტიაა – ადგილობრივმა მოქალაქემ თუ ტურისტმა სასურველია იცოდეს, ვინ ემსახურება, ამით უსაფრთხოების დაცვა და რაიმე ინციდენტის შემთხვევაში მძღოლის იდენტიფიცირებაც გაცილებით მარტივია.

ამასთან, ლექვინაძის განმარტებით, საუბარია მხოლოდ ინდივიდუალურად მომუშავე ტაქსის მძღოლებზე და არა კერძო კომპანიის მფლობელობაში არსებულ ტაქსოპარკებზე.

ასევე, რეგისტრაცია-აღრიცხვიანობა არ ითვალისწინებს რაიმე სახის ტექნიკური მხარეების მოგვარებას, რათა არ დადგეს ტაქსის მძღოლების მიერ რაიმე დამატებითი მატერიალური ხარჯის გაღების ვალდებულება.

რაც შეეხება საკითხს, თუ რა სისტემით მოხდება თვითდასაქმებული ტაქსის მძღოლების აღრიცხვა, სისტემაზე მერიაში ჯერ სამუშაო პროცესი მიმდინარეობს და ვადები და კონკრეტული მოდელი მოგვიანებით გახდება ცნობილი.

გადაბაძე : წილების მყიდველიც გახდა „იმედის“ არაოფიციალური მმართველი ირაკლი რუხაძე

deeviil1 — Tue, 02 Feb 2016 18:49:10 GMT

„მაესტროს“ გენერალური დირექტორი ბაია გადაბაძე აცხადებს, რომ მისთვის წილების გასხვისება საეჭვოა და მომხდარში პოლიტიკურ მოტივს ხედავს:

„ტელეკომპანია „მაესტროს“ მეწილეების ნაწილი, რომლებიც წლების განმავლობაში იყვნენ ჩვენი სარედაქციო დამოუკიდებლობის გარანტორები, დღეს აღმოჩნდნენ უმცირესობაში. ეს ვითარება გამოიწვია პარტნიორების ერთი ნაწილის მიერ წილების გასხვისებამ, რომლის რეალური მყიდველიც გახდა ტელეკომპანია „იმედის“ არაოფიციალური მმართველი ირაკლი რუხაძე.

გაკოტრებული კომპანიის წილი რამდენიმე მილიონად გაიყიდა, რაც არანაირ ბიზნესლოგიკაში არ ჯდება, კომპანია, რომელსაც გააჩნია 50 მილიონიანი ვალი ფინანსური თვალსაზრისით, არ შეიძლება იყოს მიმზიდველი. ერთადერთი მიმზიდველობა, რაც „მაესტროს“ შეიძლება ჰქონდეს, ეს არის პოლიტიკური მიმზიდველობა, რაც ეფექტიანი მენეჯმენტისა და სარედაქციო დამოუკიდებლობის წყალობით მას გამოარჩევდა ქართულ ტელებაზარზე.

მე თითქმის სამი წელია “მაესტროს” დირექტორი ვარ, თუმცა გაცილებით დიდი ხანია რაც ამ არხზე ვმუშაობ. ჩვენ ყველას გვაერთიანებდა საერთო ღირებულებები და ადამიანები, რომლებიც ამ ღირებულებების ერთგულები იყვნენ. დრეს კი ვითარება იმგვარია, რომ ზოგიერთისთვის ღირებულებებს ჰქონია ძალიან კონკრეტული ფასი.

წილის გამყიდველების ბატონი ებრალიძის და ჩიკვაიძის წილის 1% წილი ღირს -460 ათასი დაახლოებით, მათ არც შემოქმედებით და არც ფინანსურ ნაწილში მონაწილეობა არ მიუღიათ, ფინანსურად მხოლოდ ერთი დამფუძნებელი იღებდა მონაწილეობას, ეს იყო მაკა ასათიანი. ისინი ხელფასს იღებდნენ წლების განმავლობაში და მაშინ, როდესაც სრულიად გაურკვეველი იყო მათი სამსახურებრივი პოზიციები, სამი წელია „მაესტროს“ დირექტორი ვარ და სამჯერ არ მინახავს გიორგი ებრალიძე და არც თავისი უკმაყოფილების შესახებ არ გამოუთქვამს აზრი. ის ამბობს, რომ მის სახელს არ უნდა უკავშირდებოდეს დღევანდელი „მაესტრო“ და ეს ასეც არის, მის სახელს მართლაც არაფერი უკავშირდება ამ ტელევიზიაში.

განვითარებული პროცესების შედეგი შესაძლოა იყოს ტელევიზიის სარედაქციო დამოუკიდებლობის დაკარგვა. მე არ ვაპირებ „მაესტროში“ მუშაობას ამ პარტნიორების ახალი კონფიგურაციის პირობებში . მე ველოდები პარტნიორების საბოლოო გადაწყვეტილებას და მანამდე ვასრულებ ჩემ უფლება-მოვალეობას“- განაცადა ბაია გადაბაძემ.

აჭარაში გრიპის ვირუსით ახალგაზრდა ქალი გარდაიცვალა

deeviil1 — Tue, 02 Feb 2016 18:43:23 GMT

აჭარაში, გრიპის მწვავე გართულებული ვირუსით, ახალგაზრდა ქალი გარდაიცვალა. აჭარის საზოგადოებრივი ცენტრის ინფორმაციით, სინჯი უკვე აღებულია და გადაგზავნილია თბილისში შემოწმებაზე, რათა დადგინდეს, უკავშირდება თუ არა ახალგაზრდა ქალის გარდაცვალება H1N1-ის ვირუსს.

არსებული ცნობით, პაციენტის გარდაცვალების ოფიციალური მიზეზი ამ ეტაპზე გრიპის მწვავე, რესპირატიული ვირუსი გახდა.

ბოლო მონაცემებით, აჭარის მასშტაბით, ლაბორატორიული კვლევისთვის სულ 57 ნიმუში იქნა აღებული, მათ შორის 16 შემთხვევაში H1N1 ვირუსი დადასტურდა. დადასტურებული შემთხვევებიდან, ნიჟარაძის განცხადებით, 2 პაციენტი ამ დრომდე სტაციონარში რჩება, 13 კი სრულად გამოჯანმრთელდა.

წყარო: pia.ge

გთხოვთ არ დაიზაროთ და გაავრცელოთ!!!”-მსახიობი მიშა გომიაშვილი პრეზიდენტს და პრემიერს მიმართავს

ADMIN — Tue, 02 Feb 2016 16:31:32 GMT

მიშა გომიაშვილი ქვეყნის პირველ პირებს მიმართავს.

საქართველოს პრეზიდენტს! საქართველოს პრემიერ მინისტრს! საქართველოს პარლამენტის თავმჯდომარეს! (განსაკუთრებით პარლამენთის თავმჯდომარეს!!!! უნდა იცოდეს ვინ ყავს პარლამენტში წევრები!!! ვგულისხმობ ვიქტორ ჯაფარიძეს!!!) კულტურის მინისტრს!!! საქართველოს კინემატოგრაფისტთა კავშირის თავმჯდომარეს!!!

იცით თუ არა და თუ არ იცით ეს კიევ უფრო უარესი, რომ 30 კაცისაგან შემდგარი კინო გადამღები ჯგუფი უკვე ერთი კვირაა ვერ ახერხებს უშგულიდან გამოღწევას??? და მიზეზი ამისა არის მხოლოდ იქაური ხელისუფლების უპასუხისმგებლობა, მარტლაც და უნიათობა!!! საერთოდ არ აინტერესებთ ადამიანების ბედი!!! ამუშავებენ “ნიკოლოზის” დროინდელ ტრაკტორს რომელსაც ყოველ ნახევარ საათში ხან დინამო უფუჭდება ხან კოვში ხან სალიარკა გაასხავს…მხოლოდ სამაშველოები ცდილობენ მედიკამენთით დახმარებას და ფიზიკურად გვერდში დგომას! ისეთი შეგრძნება გრჩება რომ საუბარი საქართველოზედა საქართველოს მოქალაქეებზე კი არ არის, არამედ ზიმბაბვეს ან უგადას მოქალაქეებზეა!!! როდესაც იქაური დეპუტატი ჟაფარიძე ვიქტორი თელეფონით საუბარში უცხადებს-” ეგ რა ჩემი საქმეა მე ეს არ მეხება, ვინ გთხოვათ აქ ჩამოსვლაო?”….რას აკეთებს მესტიის მუნიციპალიტეტი გამგებელი კაპიტონ ჟორჟოლიანი??? ერთი ძველი ტრაქტორის იმედზე შეიძლება იყოს ამხელა რაიონი? ტყუილების მეტი არაფერი არ ისმის!!! დაეხმარეთ ამ ადამიანებს!!! ნუ გავიწყდებათ რომ ისინიც საქართველოს მოქალაქეები არიან!!!”

წყარო : http://mpress.ge/2016/02/%e1%83%92%e1%83%97%e1%83%ae%e1%83%9d%e1%83%95%e1%83%97-%e1%83%90%e1%83%a0-%e1%83%93%e1%83%90%e1%83%98%e1%83%96%e1%83%90%e1%83%a0%e1%83%9d%e1%83%97-%e1%83%93%e1%83%90-%e1%83%92%e1%83%90%e1%83%90/#ixzz3z1qUEA92

უფლებადამცველი გიორგი ტატიშვილი დეპუტატებს სექს-თავგადასავლების გახსენებით ემუქრება

ADMIN — Tue, 02 Feb 2016 16:24:18 GMT

“ლგბტ” უფლებადამცველმა გიორგი ტატიშვილმა სააგენტო “ემპრესს” განცხადებით მიმართა და აღნიშნა, რომ არაერთი დღეა მთავრობის გარკვეული წრეებიდან მასზე მუქარის ღონისძიებები ხორციელდება. განცხადებას გთავაზობთ უცვლელად:

“მე გიორგი ტატიშვილი როგორც ლგბტ უფლებადამცველი და საკონსტიტუციო სარჩელზე მოსარჩელე მხარე საქართველოს მთავრობს მოვუწოდებ თავი დაანებოს ჩემს მიმართ მიმართული მუქარის ღონისძიებებს რომელსაც იგი ახორციელებს უკვე არაერთი დღეა მას შემდეგ რაც საკონსტიტუციო სარჩელით მივმართე საქართველოს საკონსტიტუციო სასამართლოს.
ასვე მინდა გამოვეხმაურო რიგი პოლიტიკოსების და პარლამენტის დეპუტატების მიერ გავრცელებულ განცხადებებს და მსურს აღვნიშნო, რომ მათი გამოსვლები არის პოპულისტური და ემსახურება ერთადერთ მიზანს მოახდინონ საკუთარი რეიტინგების ამაღლება, მაგრამ მათ გასაგონად მსურს განვვაცხადო, რომ რაც არ უნდა რეიტინგები მაღლა აგივარდეთ პატივცემულო დეპუტატებო ალბათ გავიწყდებათ თქვენი სექს თავგადასავლები და ისტორიები რომელსაც მთელი თქვენი კარიერის და რეიტინგების განადგურება შეუძლია.
თქვენ ალბათ გავიწყდებათ ყოველივე ზემოთ აღნიშნული და ნუ ცდილობთ ჩემს გაკრიტიკებას და ჩემთვის ტალახის სროლას რადგან ეს შესაძლოა ბუმერანგივით უკან დაგიბრუნდეთ.
საქართველოს პარლამენტის ამ შემადგენლობის დაშლა მხოლოდ რამდენიმე ვიდეომტკიცებულებით არის შესაძლებელი და მე ვფიქრობ მათი მოქმედებები ჩვენს შორის ომის დაწყების საფუძველი გახდება რისთვისაც მე ამ ეტაპზე თავს ვიკავებ.
ასევე მინდა განვაცხადო რომ უამრავი პოლიტიკური ფიგურა ცდილობს ჩემს მიერ სარჩელის შეტანაში დაინახოს გარკვეული პოლიტიკური ზრახვები ან ჩემს უკან ამოიცნოს პოლიტიკური პარტიები და სუბიექტები , მათ გასაგონად კი მინდა განვმარტო, რომ სარჩელი შეტანილია ჩემს მიერ და მის არც შედგენა, არც წარდგენა და არც სხვა რაიმე გადაწყვეტილება არ არის შეთანხმებული და დაგეგმილი რომელიმე პოლიტიკურ პარტიასთან ან სუბიექტთან შესაბამისად მათი განცხადებები არის უბრალო დეზინფორმაცია და პოპულიზმი.
2016 წლის მაისამდე დაგეგმილია კიდევ 3 საკონსტიტუციო სარჩელის შეტანა რომელიც გამოიწვევს მწვავე დისკუსიას მაგრამ მე დარწმუნებული ვარ რომ საკონსტიტუციო სასამართლოს ექნება სრული დამოუკიდებლობის მანდატი რაც ასე მნიშვნელოვანია გადაწყვეტილებების მიღებისათვის.
და ბოლოდ მინდა საქართველოს პრეზიდენტს კიდევ ერთხელ მოვუწოდო უზრუნველყოს ჩემთვის შესაბამისი დაცვის მექანიზმების გამოყენება ჩემი პირადი უსაფრთხოების უზრუნველყოფის მიზნით.” -აცხადებს ტატიშვილი

"დათო ბერიშვილმა იყვირა, ბიჭებო, დავიღუპეთო!" - საშინელ ავტოკატასტროფას შეწირული 5 სიცოცხლე

deeviil1 — Mon, 01 Feb 2016 22:05:25 GMT

28 იანვარს, საღამოს საზარელი ავტოკატასტროფა მოხდა ზუგდიდი - ჯვრის საგზაო მონაკვეთზე, სადაც "ფორდისა" და "ოპელის" მარკის ავტომანქანების შეჯახებამ 5 ადამიანის - გიორგი ციმინტიას, ბაჩანა შონიას, დათო ბერიშვილის, ლევან მატუასა და დათო ქუხილავას სიცოცხლე იმსხვერპლა, 6 კი მძიმედ დაშავდა. დაშავებულების სიცოცხლის გადასარჩენად სხვადასხვა საავადმყოფოს რეანიმაციული განყოფილების ექიმები იბრძვიან. გარდაცვლილთა შორის უფროსი 26 წლის არის, ყველაზე უმცროსი კი - 19-ის. მათ შორის ოთხი ჯვრის დასახლების ერთსა და იმავე კორპუსში ცხოვრობდა და ბავშვობის განუყრელი მეგობრები იყვნენ. მეხუთე, 21 წლის დავით ბერიშვილი კი სოფელ ლიას მკვიდრი იყო და როცა კატასტროფა მოხდა, ერთ-ერთი მანქანის საჭესთან სწორედ ის იჯდა.

ავტოკატასტროფის ფაქტზე გამოძიება სისხლის სამართლის 276-ე მუხლის მე-7 ნაწილით მიმდინარეობს, რაც სატრანსპორტო საშუალებების ექსპლუატაციის წესების დარღვევას გულისხმობს.