"სიმპტომატიკა იწყება ძალიან სწრაფად, რამდენიმე საათში იწყება ცხელება, რაც ბავშვების შემთვევაში არის 38.5 და უფრო მაღლა, სახსრების, თავის ტკივილი. ამას თან ახლავს მოწამვლის ნიშნები, შეიძლება იყოს ღებინება“, - აღნიშნა დავით სერგეენკომ.
მისივე თქმით, თუ ოჯახის რომელიმე წევრს აქვს გრიპი, მისი იზოლაცია არ არის საჭირო. " თუ ეს გრიპის ტიპი არის აირწვეთოვანი გზით გადამცემი, ნიღაბი ეფექტური დაცვაა, მაგრამ არ 100%-იანი.
ყველაზე ნაკლებ ყურადღებას ვაქცევთ ხელებს, რომელიც ინფექციის საშიში გადამტანია და შეუძლია 6-დან 8 საათამდე შეინახოს ვირუსი. ნიღაბის ტარებაზე არანაკლებ მნიშვნელოვანია ხელების დამუშავება", - განაცხადა სერგეენკომ გადაცემა "ექიმებში".
ჯანდაცვის მინისტრმა "რუსთავი 2" ეთერში განაცხადა, რომ საზოგადოების ნაწილი და ექიმებიც კი სამედიცინო ნიღაბს არასწორად იკეთებს.
მინისტრმა ტელეეთერით განმარტა როგორ უნდა გამოიყენოთ პირბადე სწორად.
"ნიღაბს აქვს სპეციალური მეტალის ფირფიტა, რომელიც მაგრდება ცხვირზე და უნდა გავიკეთოს ისე რომ ცხვირის ნესტოები იყოს დაფარული".
დავით სერგეენკო პაციენტებს ვირუსის დროს საოჯახო პირობებში ალკოჰოლით მკურნალობისგან თავის შეკავებას ურჩევს.
მისივე თქმით, როდესაც ცხვირიდან გვიჭირს სუთქვა, კარგია ფიზილოგიური ხსნარის ჩაწვეთება. "შეიძლება ძალიან ეფექტური იყოს, თუმცა თვითნებურ ჩაწვეთებას ჯობია თავი ავარიდოთ და კონსულტაცია ექიმთან გავიაროთ".
loading...
