ქართველი მაფიოზების დიდებული საფლავები

აღნიშნული სათაურით აქვეყნებს ჟურნალი „ვაის" (Vice) სტატიას, სადაც ქართველი ე.წ. კანონიერი ქურდების საფლავებზეა საუბარი. ქუთაისში მოგზაურობისას, ტაქსით მორიგი მგზავრობის დროს ფოტოგრაფ სერგეი სტროიწელევის ყურადღება უცნაურმა საფლავმა მიიპყრო, რომელის ქვაზეც მამაკაცი იყო გამოსახული სიგარეტით ხელში. ტაქსის მძღოლისგან სერგეიმ გაარკვია, რომ საფლავი ერთ დროს გავლენიან კანონიერ ქურდს ეკუთვნოდა. „აღმოჩნდა, რომ ქუთაისში, რომელიც ქართველი კანონიერი ქურდების ქალაქად ითვლება უამრავი მსგავსი საფლავი მოიძებნებოდა. ამიტომაც ამ საფლავების მონახულება და გადაღება გადავწყვიტე," - აღნიშნავს სერგეი.