+A შრიფტის გადიდება | -A შრიფტის დაპატარავება

თბილისის ყოფილი მერი გიგი უგულავა 13 ივნისის ღამით მომხდარ ტრაგედიას და სტიქიის გამომწვევი მიზეზების შესახებ დაწყებულ პოლემიკას ეხმაურება.

„მე, თბილისის ყოფილი მერი, პასუხისმგებლობას ვიღებ იმაზე, რასაც ჩემს გუნდთან ერთად მივაღწიე, ან ვერ მივაღწიე. ჩემი პოზიცია არასოდეს შეიცვლება იმის მიხედვით, თუ აქ და ახლა რა არის მომგებიანი. ჩემი პასუხისმგებლობა წარსულში ვერ დარჩება, ის მთელი ცხოვრება თან გამყვება“, - წერს უგულავა.

იგი ქალაქისთვის ახალი გზის აუცილებლობაზე საუბრობს და აღნიშნავს, რომ პროექტი თავის დროზე, სპეციალისტების ჩართულობით მომზადდა.

უგულავა განცხადებაში სტიქიის შედეგებთან ბრძოლაში მოხალისეების ჩართულობასაც ეხება.

„ყველა გემოვნების და ორიენტაციის თბილისელი ერთად დარაზმული ცდილობს სტიქიასთან და სტიქიის შედეგებთან გამკლავებას. ეს კათარზისია! ხოლო ჩვენ, პოლიტიკოსებს მან უნდა გვიჩვენოს გზა, საით ვიაროთ და როგორ არ უნდა მოვიქცეთ. ამიტომ, რა ტალახიც არ უნდა ისროლონ და რა ნადირობაც არ უნდა გამოაცხადონ კუდიანებზე, მე დღეს “რიგითი ნარმანია” ვარ, რადგან ვიცი, რა ძნელია მის ადგილზე ყოფნა და ამ პასუხისმგებლობის ტარება“, - წერს უგულავა.

---

---

---