+A შრიფტის გადიდება | -A შრიფტის დაპატარავება

თბილისში გასამართი უეფას სუპერთასის ბილეთების გაყიდვა 22 ივნისს დილის 09:00 საათზე დაიწყება.

ამის შესახებ ცნობილი სასტუმრო "რედისონში" გამართულ პრესკონფერენციაზე გახდა, რომელიც ესპანურის კლუბების წარმომადგენლებმა და სფფ-მ ერთობლივად გამართეს.

უეფას სუპერთასის ფინალში ერთმანეთს "ბარსელონა" და "სევილია" დაუპირისპირდებიან. მატჩზე დასასწრები ბილეთები საიტ Biletebi.ge-ზე გაიყიდება. ბილეთები ფასი 7, 15 და 30 ევრო იქნება. ბილეთების ყიდვა ლარის ექვივალენტში იქნება შესაძლებელი მიმდიანრე სავალუტო კურსის მიხედვით.

აღსანიშნავია, რომ უეფა სპეციალურად უხდის Biletebi.ge-ს 45 ათასს ევროს, რომ კომპანიამ ბილეთს ფასი არ მოუმატოს.

2700-2700 ბილეთი "ბარსელონასა" და "სევილიას" ფან-კლუბებს გადაეცემათ, ხოლო 31 000 ბილეთი გულშემატკივრებზე გაიყიდება. დანარჩენ ბილეთებს უეფა დელეგაციებს და ოფიციალურ მოწვეულ პირებს გაუნაწილებს.

შეგახსენებთ, რომ ერთ ადამიანს საკუთარი პირადობის მოწმობით მხოლოდ 4 ბილეთის ყიდვის შესაძლებლობა ექნება.

ამასთან ერთად ფეხბურთის ფედერაციის განცხადებით თუ პირველივე დღეს 5000 ან მეტი ბილეთი გაიყიდა, სფფ პროკურატურის თანამშორმლების თანხმებლით Biletebi.ge-ს ყველა გაყიდულ ბილეთებს შეამოწმებს. ამის მიზანი ის არის, რომ ბილეთები გადამყიდველების ხელში არ მოხდეს.

საბოლოო ჯამში კი Biletebi.ge-ს ყველა ბილეთის გაყიდვის შემთხვევაში დაახლოებით 7600 პასპორტის წარდგენა მოუწევს.

იმ შემთხვევაში თუ მატჩის დღეს ბილეთები გასაყიდად დარჩება, ფედერაცია მათ კორპორატიული წესით გაყიდის.

ასევე იხილეთ ინფორმაცია როდის ჩამოვა "ბარსელონა" და "სევილია" თბილისში - "ბარსელონასა" და "სევილიას" თბილისში ჩამოსვლის თარიღი ცნობილია

---

---

---