+A შრიფტის გადიდება | -A შრიფტის დაპატარავება

biletebi.ge-ს წარმომადგენელი დავით მიზანდარი აცხადებს, რომ შესაძლოა, UEFA-ს სუპერთასის ფინალზე დასასწრები ბილეთების გაყიდვის პროცედურა ერთი დღით გადაიდოს.

„ძალიან დიდი ტრაფიკია. ვცდილობთ, რომ რაღაც გავაკეთოთ. მალე გვინდა, რომ მოვაგვაროთ, მაგრამ ზუსტ დროს ვერ გეტყვით. არ არის გამორიცხული, ერთი დღით გადაიდოს“, - აღნიშნა მიზანდარმა „რუსთავი2“-თან სატელეფონო საუბრისას.

სუპერთასის ფინალზე დასასწრები ბილეთების გაყიდვა შეჩერებულია, რადგან პორტალი biletebi.ge არ ფუნქციონირებს. ვებგვერდის ინფორმაციით, საიტზე მიმდინარეობს შეტევა და მუშაობენ გასანეიტრალებლად.

შეგახსენებთ, ბორის პაიჭაძის სახელობის სტადიონზე, ესპანური კლუბები „ბარსელონა“ და „სევილია“ სუპერთასისთვის 11 აგვისტოს, იბრძოლებენ.

---

---

---