+A შრიფტის გადიდება | -A შრიფტის დაპატარავება

აზერბაიჯანის პრეზიდენტმა ილჰამ ალიევმა თავისი მეუღლე მეჰრიბან ალიევა, რომელიც პირველი ევროპული თამაშების „ბაქო 2015“-ს საორგანიზაციო კომიტეტეის თავმჯდომარე იყო, რესპუბლიკის უმაღლესი ჯილდოთი ჰეიდარ ალიევის ორდენით დააჯილდოვა, - ამის შესახებ ინფორმაცია აზერბაიჯანის რესპუბლიკის პრეზიდენტის ოფიციალურ ვებგვერდზე გამოქვეყნდა. განკარგულებას დაჯილდოვების შესახებ ხელი დღეს, 29 ივნისს მოეწერა. აზერბაიჯანის პრეზიდენტმა საკუთარი მეუღლე „კულტურის, განათლების, ჯანმრთელობისა და სპორტის სფეროში გაწეული ნაყოფიერი მუშაობისთვის დააჯილდოვა“. მეჰრიბან ალიევას დამსახურებათა ჩამონათვალში ასევე ხაზგასმული იყო მისი როლი პირველ ევროპულ თამაშებში გაწეული საორგანიზაციო საქმიანობისთვის. როგორც პრეზიდენტმა განაცხადა, პირველმა ლედიმ აზერბაიჯანელი ხალხის კულტურულ მემკვიდრეობას საერთაშორისო მასშტაბით ფართო პროპაგანდა გაუწია. პირველ ლედის ჯილდო აზერბაიჯანელ სპორტსმენებთან შეხვედრის დროს გადაეცა. როგორც აზერბაიჯანული პრესა იუწყება, დაჯილდოების შემდეგ პრეზიდენტ მეუღლეს მეჰრიბან ალიევამ „17 დღის განმავლობაში განცდილი ულამაზესი წუთებისთის“ მადლობა გადაუხადა.

---

---

---