+A შრიფტის გადიდება | -A შრიფტის დაპატარავება

გადაფრენილი ლურჯ ოცნებებში,
მე მარგალიტებს ვეძებდი ზღვებზე.
მუსიკა ჟღერდა ტალღების ხმებში
და ჩამავალი მზე იწვა ქვებზე. . .

უკიდეგანო იყო ნაპირი
და დაღებილი წითლად ღრუბლები,
ისე ეყარნენ ალაგ ბღუჯებად,
ვით ცეცხლგამჩდარი ბამბის ქულები.

დუჟმორეული ქაფის წვეთები
ჰაერში გაბმით კრავდნენ კამარას,
გუმბათად ჰქონდათ ზეცა მაღალი
და თავხედობდნენ დაუფარავად

დაცუღლუტებდა აქა-იქ სიო,
ვით სათამაშოს მძებნელი ბავშვი,
ღაწვს უკოცნიდა მთვლემარ სტიქიას,
ეშმაკურ ღიმილს ატანდა თმაში.

ოცნების ჯუჯა სირინოზები
თავბრუდამხვევად ცეკვავდნენ ხემზე,
მუსიკა ჟღერდა ტალღების ხმებში
და ჩამავალი მზე იწვა ქვებზე.

---

---

---