+A შრიფტის გადიდება | -A შრიფტის დაპატარავება

დამიძმობილდა სისუსტის განცდა,
სიძლიერეზე თავს ვდებდი როდის?
მოუსვენრობა ყველა ზღვარს გაცდა,
არ უჩანს ბოლო სიმშვიდის ლოდინს.
სხეულში შენ ხარ სისხლის ტოლფასი,
შფოთვით ედები კუთხე-კუნჭულებს,
მტრად მომეკიდე ერთ დროს მოყვასი,
მაგრამ მტერიც კი მტერს არ უსურვებს,
არევის წამებს,ვერნახულ შვებას
და თავის დახსნის უმწეო ლოდინს,
საკუთარ თავზე ვერ გამარჯვებას,
სიძლიერეზე თავს ვდებდი როდის?
შენ ხარ ფილტვებში ჟანგბადზე მეტი,
უშენოდ სუნთქვას ეგო არ ცდილა.
სხეულის ყველა კუთხეს ედები,
ვერ გამოგიშვი ჩემი არსიდან.
გზა ვერ მოვნახე მე თავის დახსნის,
ჩემში ბატონობ,ამასაც ბედავ,
არტერიიდან გასასვლელს გავხსნი,
თუ დამეხნები ან მაშინ ნეტავ.

---

---

---