+A შრიფტის გადიდება | -A შრიფტის დაპატარავება

შენი ალერსით ვერ დამღლიდა ქვეყნად ვერავინ,
შენ იქნებოდი ჩემი გრძნობის წმინდა მწვერვალი.
შენ იქნებოდი ჩემი გულის სიღრმე ფსკერამდე,
შენი ფერებით მივიდოდი ბედისწერამდე.
შენზე ფიქრებით უკუნეთში ბილიკს ვნახავდი,
შენ იქნებოდი ის,მე ვისაც ღმერთად ვსახავდი.
შენ იქნებოდი ამ თვალების ჩინი,ნათება,
შენი,ლოცვის დროს,მექნებოდა თვალწინ სახება.
შენი თვალების დასანახად რას არ დავძლევდი,
შენ რომ მყოლოდი გვერდით ჭირშიც მტკიცედ გავძლებდი.
მეცხრე ცაზე რომ ასულიყავ,იქაც გეძებდი,
შენი ღიმილის შემხედვარე ფრენას შევძლებდი.
შენი სიცოცხლე იქნებოდა ჩემთვის ხარება,
შენი დარდები-ჩემი მწარე გარდაცვალება.
კერპად გაქცევდი,ოცნებებში სულსაც დავლევდი,
შენზე ნატვრაში წუთისოფელს უხმოდ გავლევდი.
და თუმც ნატვრა ხარ,ჩემი ოცნების მყუდრო გემი ხარ,
საბედნიეროდ,უკუნისამდე უკვე ჩემი ხარ.

---

---

---