+A შრიფტის გადიდება | -A შრიფტის დაპატარავება

ახლა უშენოდ ისე ცივა როგორც არასდროს,
გადაუარა ქარიშხალმა გულის მიდამოს.
ივლისში ზამთარს ვესალმები,რაღა გამათბობს,
იქნებ მოხვიდე,იქნებ ისევ გამოიდაროს...
საბნის ნაგლეჯი ვერ შეიკრებს სითბოს ნატამალს,
დაქუცმაცებულ არსებაში სითბოს რა დატევს?
ივლისის თოვლში როგორ შევძლებ თავის გატანას,
იქნებ მოხვიდე რომ მიწამლო ღამე განათევს.
ვის გაუგია ცხელ ივლისში თოვლის ფანტელი?
შემომიგლიჯა ქარიშხალმა სულში დარაბა,
იბრძვის სარკმელთან ანთებული კენტად სანთელი,
სუნთქვა გაჭირდა,იუდა ვარ?იქნებ ბარაბა...
დათოვლილ სადგურს მივაკითხავ ღამენათევი,
ხიდზე წარსულის აჩრდილი რომ ცდილობს დამათროს,
ამიყოლიებს და ჩაქრება ბოლო სანთელი,
ახლა უშენოდ ისე მტკივა როგორც არასდროს.

---

---

---