+A შრიფტის გადიდება | -A შრიფტის დაპატარავება

შენ იქნები სულ პატარა,ჩემი ციცქნა თოჯინა,
დიდ თვალებში ჩაგეღვრება მოწმენდილი ცა.
შენს ცელქ ნაბიჯს ვერ დაიტევს ვარდისფერი ჭოჭინა,
ვერ შეგქმნიდა ასე ცხადად მეოცნებე სხვა,
შენ იქნები სიფრიფანა,ზაფხულივით თბილი მზერით,
გამუდმებით რომ აწვალებს კაბას,
ყოველ დილით რომ აღვიძებს დედას ცქერით,
მერე მკლავზე უგორდება მამას.
შენ იქნები ზღვისფერი და ზღვაზე რთული,
შენ იქნები მზესავით და მზიანი.
მღელვარე და ანცი,როგორც გაზაფხული,
მოტიტინე და დედიკოს ჭკვიანი.
შენ იქნები ფერფლისფერი კულულებით,
ჩემებური გადავარცხნა თმის.
ვერ შეგქმნიდა ცხადად,ასე რუდუნებით,
მეოცნებე წარმოსახვა სხვის.

---

---

---