+A შრიფტის გადიდება | -A შრიფტის დაპატარავება

აშშ-ს სენატმა 2016 წლის სამხედრო ბიუჯეტი დაამტკიცა, რომელმაც 612 მილიარდი აშშ დოლარი შეადგინა. აქედან 300 მილიონი დოლარი გათვალისწინებულია უკრაინისთვის სახმედრო დახმარების გასაწევად. ახალი კანონპროექტი საშუალებას აძლევს აშშ-ს თავდაცვის მდივანს, სახელმწიფო მდივანთან კოორდინაციით, ამ თანხის შესაბამისი დახმარება გაუწიოს უკრიანის შეიარაღებულ ძალებს.

300 მილიონდან ცალკე პუნქტად არის გამოყოფილი 60 მილიონი აშშ დოლარი, რომელიც უნდა დაიხარჯოს უკრაინის ჯარისთვის სამხედრო ტექნიკის გადაცემაზე. დანარჩენი თანხა კი უკრაინის ჯარის გაწვრთნაზე, ლოგისტიკის მოგვარებაზე, მომარაგებაზე და სხვა მიზნებზე უნდა დაიხარჯოს.

კანონპროექტი ახლა აშშ-ს კონგრესმა უნდა განიხილოს, რომელმაც ჯერ კიდევ მაისში მსგავსი ინიციატივის კანონპროექტი მოამზადა. აღსანიშნავია, რომ კანონპროექტის წინააღმდეგ გამოდის თეთრი სახლი, სადაც არ გამორიცხავენ, რომ პრეზიდენტმა მას ვეტო დაადოს.

---

---

---