+A შრიფტის გადიდება | -A შრიფტის დაპატარავება

თბილისის სახელმწიფო უნივერსიტეტის სენატის წევრი ლევან ლორთქიფანიძე ვერეს ხეობაში, 13 ივნისს მომხდარი სტიქიის მიზეზებზე საუბრისას ადამიანურ ფაქტორზე საუბრობს.

„გასაგებია რომ გეოლოგები დადებენ დასკვნებს იმასთან დაკავშირებით თუ ტექნიკურად რატომ მოხდა ის, რაც მოხდა, მაგრამ ჩვენ შეგვიძლია პოლიტიკური და სოციალური მეცნიერების გადასახედიდან შევაფასოთ ეს მოვლენა. ფაქტია რომ საქართველოში ბიზნესი გაფეტიშებულია და თითქმის ღმერთის რანგშია აყვანილი.

არ შეიძლება ბიზნესს ვაძლევდეთ უფლებას და საშუალებას გაჩეხოს ტყეები ვერეს ხეობაში; არ შეიძლება რომელიმე კომპანიას მივცეთ უფლება რომ მისი ნარჩენი მასალა და ნაგავი ვერეს ხეობაში ჩაყაროს. არ შეიძლება რომელიმე დეველოპერულ კომპანიას ქონდეს უფლება, მისი კომერციული ინტერესის დასაკმაყოფილებლად, აშენებდეს მრავალსართულიან შენობებს ვერეს ხეობაში. სტიქიები ბუნებაში ხდება, მაგრამ 21-ე საუკუნეში არ არსებობს სტიქია ბუნებრივი ფორმით. ამ ყველაფერს ემატება ადამიანური ფაქტორი“, - განაცხადა ლორთქიფანიძემ საზოგადოებრივი მაუწყებლის მეორე არხზე, „არგუმენტების დროში“.

---

---

---