+A შრიფტის გადიდება | -A შრიფტის დაპატარავება

სტიქიის ზონაში მომუშავე თავდაცვის სამინისტროს პირადი შემადგენლობის გარკვეულ ნაწილს იარაღი უსაფრთხოების მიზნით დაურიგდა. ამის შესახებ, საზოგადოებრივი მაუწყებლის ეთერში საქართველოს შეიარაღებული ძალების გენერალური შტაბის უფროსმა გენერალ-მაიორმა ვახტანგ კაპანაძემ ისაუბრა.

„სიფრთხილეს თავი არ სტკივა, იარაღი ყველა სამხედროზე არ არის გაცემული. არის მხოლოდ რამდენიმე ადამიანზე, ჯგუფზე, რომელიც უზრუნველყოფს როგორც მოხალისეეების, ასევე სამხედროების უსაფრთხოებას“- განაცხადა ვახტანგ კაპანაძემ.

გენერალური შტაბის უფროსმა განმარტა, რომ სამხედროები მტაცებლებზე ნადირობის პროცესში ჩართულები არ არიან, რადგან ეს თავდაცვის სამინისტროს ფუნქცია არ არის.

კაპანაძის განცხადებით, ქართველი სამხედროები სტიქიის ზონაში 24-საათის განმავლობაში მუშაოებენ და გაწმენდით-სალიკვიდაციო სამუშაოებს ასრულებენ. ამ დრომდე სამუშაოებში უკვე მიიღო მონაწილეობა 1800-ზე მეტმა სამხედრომ და 60-ერთეულზე მეტმა ტექნიკამ.

გენერალური შტაბის უფროსის განცხადებით, გენერალურ შტაბში კრიზისების მართვის სპეციალური ცენტრი ფუნქციონირებს და სამხედროების მუშაობაზე 24-საათიანი ვიდეოკონტროლი ხორციელდება.

---

---

---