+A შრიფტის გადიდება | -A შრიფტის დაპატარავება

"ლაგუნა ვერეს" მიმდებარე ტერიტორიაზე აღმოჩენილ თხევადი ქლორის კონტეინერებს, გარემოს დაცვის სამინისტროს თანამშრომლები სპეციალური ტრანსპორტით გადაიტანენ.

გარემოს დაცვის სამინისტროში კონტეინერებთან დაკავშირებით განმარტავენ, რომ ადგილზე მთელი ღამის განმავლობაში იმყოფებოდნენ გარემოსა და ბუნებრივი რესურსების დაცვის სამინისტროს სპეციალისტები და საპატრულოს თანამშრომლები.

"აღმოჩენილი ქლორის კონტეინერებიდან ქიმიური ნივთიერების გაჟონვის საფრთხე არ არსებობს. მთავარ რისკად რჩება კონტეინერების ტრანსპორტირება, სწორედ ამიტომ სამინისტროს მხრიდან მზადდება შესაბამისი სტანდარტული პროცედურები.

პროცედურების დასრულებისთანავე, მოძრაობის ნაკლები ინტენსივობის ეტაპზე მოხდება ადგილიდან კონტეინერების სპეციალური ტრანსპორტით უსაფრთხოდ გატანა. კიდევ ერთხელ გვსურს განვაცხადოთ, რომ ამ ეტაპზე ქლორის გაჟონვის საფრთხე არ არსებობს, შესაბამისი სამსახურები უზრუნველყოფენ ტერიტორიის 24 საათიან მონიტორინგს", - აცხადებენ სამინისტროში.

---

---

---