+A შრიფტის გადიდება | -A შრიფტის დაპატარავება

თბილისის საკრებულოს თავმჯდომარე გიორგი ალიბეგაშვილი ვაკე-საბურთალოს დამაკავშირებელი გზის პროექტის დამტკიცებასთან დაკავშირებით აცხადებს, რომ ძიების საკითხია, რა გზით დამტკიცდა ეს პროექტი და ამის შემდეგ შეიძლება დასკვნების გამოტანა.

„ძიების საკითხია, თუ რა გზით დამტკიცდა პროექტი, რომელიც განხორციელდა და რომელიც ასეთ სავალალო დღეში აღმოჩნდა და ბუნებრივია, შესაბამისი სამსახურები ამას გამოიკვლევენ, რა უძღვოდა ამას წინ, რა დასკვნა იყო, გეოლოგიური თუ სხვა სახის არქიტექტურული და ამის შემდეგ გაკეთდება შესაბამისი დასკვნები",-განაცხადა ალიბეგაშვილმა.

შეგახსენებთ, პროკურატურამ გამოძიება ვერეს ხეობაში სამშენებლო სამუშაოების წარმოებისას უსაფრთხოების წესების შესაძლო დარღვევის ფაქტზე დაიწყო. გავრცელდა ინფორმაცია, რომ დოკუმენტაციაში, რომელიც საგამოძიებო უწყებამ მერიიდან გამოითხოვა, გეოლოგიური დასკვნა არ იყო.

თბილისის მერიის იურიდიული სამსახურის ყოფილი უფროსი ირაკლი აბესაძე უარყოფს, რომ პროექტში გეოლოგიური დასკვნა არ არსებობს.

---

---

---