+A შრიფტის გადიდება | -A შრიფტის დაპატარავება

ადელი მოულოდნელად შემოიჭრა შოუბიზნესში და შემდეგ ასევე მოულოდნელად გაქრა. მან გადაწყვიტა თავისი შეყვარებულისთვის ერთგულება დაემტკიცებინა და კარიერაზე უარი განაცხადა. ადელის შეყვარებულისგან შვილიც შეეძინა, თუმცა დღეს ისინი დაშორებულები არიან. პირადი ცხოვრების კრიზისის დასაძლევად მომღერალი კვლავ სცენას დაუბრუნდა და სიმღერა ,,ჰელოუ" გაგვაცნო. ის თვალისდახამხამებაში ტიჰად იქცა. ამ სტატიაში გაეცნობით ადელის სილამაზის 5 ხრიკს:

1. თმას მოცულობა შემატეთ

ალბათ შემჩნეული გექნებათ, რომ წვეულებებზე, კონცერტებსა და დაჯილდოებებზე მომღერალი მუდამ მოცულობითი ვარცხნილობებით მიდის. მსგავსი ტიპის ვარცხნილობა სავსე ქალებს ძალიან უხდებათ. თუ წონის პრობლემას გაქვთ, აუცილებლად მიანიჭეთ
თქვენს თმას მაქსიმალური მოცულობა.

2. თეთრ კანს ვარდისფერი ბზინვარება უხდება

ადელის ფითქინა კანი აქვს. მისი ვიჟაზისტი ლოყებს თითქმის ყოველთვის ნაზი ვარდისფერი ფერუმარილით გამოჰყოფს. თუ ლოყებზე შევარდსიფერებული ხართ, გამოიყენეთ ტუჩისფერი პომადა, რომელიც თქვენს LOOK-ს დასრულებულ იერსახეს მიანიჭებს.

3. სცადეთ წითელი ტუჩსაცხი

ქალი მრავალფეროვანი უნდა იყოს. ბევრი სტილისა და ფერის სამოსი თუ მაკიაჟი უნდა სცადოს საბოლოო ჯამში მისთვის საუკეთესო ვარიანტს რომ მიაგნოს. ადელი ივენთებზე შავ კაბას წითელ პომადას უხამებს. ამ დროს თვალებზე სქელი ლაინერი უსვია, მაგრამ ჩრდილები ღია ფერებშია გადაწყვეტილი.

4. გაიკეთეთ სადა მანიკური

მომღერალი უმეტესწილად სადა მანიკურს ატარებს, ორნამენტების გარეშე. მაგალითად, წითელს, თეთრს, ბეჟს და ა.შ. ადელის დახვეწილი სტილი ცხადყოფს, რომ მოდურობისთვის ყოველდღიური ექსპერიმენტები საჭირო არ არის.

5. ხელოვნური წამწამები სამარცხვინო არ არის

ქალების გარკვეული ნაწილი ხელოვნური წამწამების გამოყენებას ერიდება. ადელი კი თითქმის ყოველთვის მათი დახმარებით ხაზს უსვამს თავის მწვანე თვალებს. შეგახსენებთ რომ ხელოვნური წამწამების სწორად გამოყენება უსაფრთხოა ჯანმრთელობსითვის.

რადა მახარაძე

---

---

---