+A შრიფტის გადიდება | -A შრიფტის დაპატარავება

განათლებისა და მეცნიერების საპრეზიდენტო საბჭოს შეხვედრაზე რუსეთის პრეზიდენტმა ვლადიმერ პუტინმა ლენინის მოღვაწეობა გააკრიტიკა, იტყობინება «Интерфакс».

პუტინის განცხადებით, ლენინის იდეებმა ისტორიული რუსეთის ნგრევა გამოიწვია, ასე უპასუხა მან კურჩატოვის ინსტიტუტის ხელმძღვანელს მიხეილ კოვალჩუკს, რომელმაც ოქტომბრის რევოლუციის ანალიზის დროს პოეტ ბორის პასტერნაკის პოემიდან ციტატა მოიყვანა და აღნიშნა, რომ ლენინი "ქვეყნას იმიტომ მართავდა, რომ განაგებდა ხალხის აზროვნებას".

"ხალხის აზრის მართვა კარგია, თუ ეს აზრი სწორ შედეგამდე მიგვიყვანს და არა, როგორც ლენინის შემთხვევაში ", განაცხადა პუტინმა.

"საბოლოო ჯამში კი ამან საბჭოთა კავშირის დაშლამდე მიგვიყვანა. იქ ბევრი ასეთი აზრი იყო: ავტონომია და ასე შემდეგ. შენობის ქვეშ ატომური ბომბი ჩადეს, სახელწოდებით რუსეთი, რომელმაც შემდეგ იფეთქა. მსოფლიო რევოლუცია ჩვენ არ გვჭირდებოდა. აი, ასეთი აზრიც იყო იქ", დასძინა პუტინმა.

აღსანიშნავია, რომ რუსეთის პრეზიდენტი ლენინის მოღვაწეობის შეფასებისაგან ყოველთვის თავს იკავებდა, მაგრამ რამდენჯერმე გამოთქვა მოსაზრება სტალინზე.

ასე მაგალითად, 2002 წელს მან სტალინს დიქტატორი უწოდა, მაგრამ აღნიშნა, რომ არ შეიძლება ისტორიაში მისი როლის იგნორირება, რადგანაც სწორედ მეორე მსოფლიო ომში გამარჯვება საბჭოთა კავშირმა მისი მმართველობის დროს მოიპოვა.

---

---

---