+A შრიფტის გადიდება | -A შრიფტის დაპატარავება

საფეხბურთო კლუბ „ბარსელონას“ მაისურის ტარება საუდის არაბეთში უკანონოდ გამოცხადდა. დაუმორჩილებლებისთვის კი 15 წლით თავისუფლების აღკვეთა, ან ჯარიმა 135 ათასი ევროს ოდენობით არის განსაზღვრული. ინფორმაციას Daily mail ავრცელებს. გადაწყვეტილება უკავშირდება იმ ფაქტს, რომ საუდის არაბეთმა გაწყვიტა დიპლომატიური ურთიერთობა ყატართან, ამიტომაც, მაისურები წარწერით - Qatar Airways, უკანონოდ გამოცხადდა. 2013 წლიდან, სწორედ ეს კომპანია იყო „ბარსელონას“ სპონსორი. კლუბსა და სპონსორს შორის თანამშრომლობა უკვე შეწყდა. ახალი სეზონიდან, კატალონიურ კლუბს ახალი სპონსორი, იაპონური კომპანია Rakuten ეყოლება.

---

---

---