აღნიშნული გადაწყვეტილება აშშ-ის ფედერალურმა სავაჭრო კომისიამ მიიღო. Apple ვალდებულია, არასრულწლოვნების მშობლებს კომპენსაციის სახით 32.5 მლნ დოლარი გადაუხადოს. კომისიაში აღნიშნეს, რომ მიიღეს ათასობით საჩივარი და თხოვნა მოქალაქეებისგან, იმ თანხის დაბრუნების თაობაზე, რომელიც მათმა შვილებმა iPhone-ს და iPad-ის გამოყენების დროს აპლიკაციებსა თუ თამაშებში უნებართვოდ დახარჯეს.
"არ გაქვთ უფლება მომხმარებლებს გადაახდევინოთ გადასახადი იმ აქტივობისთვის, რომელზეც მათ თანხმობა არ გაუციათ",- მიმართა კომისიის ხელმძღვანელმა, ედიტ რამირესმა კომპანიას.
ერთ-ერთი დაზარალებული აცხადებს, რომ მისმა შვილმა თამაშში, Tap Pet Hotel-ში 2.6 ათასი დოლარი დახარჯა. თამაშის გადმოწერა ფასიანი არ არის, თუმცა ის შეიცავს სხვადასხვა ნივთების შეძენის აუცილებლობას. ამგვარად, პრობლემა წარმოშვა დაფარულმა, "თამაშის შიგნით არსებულმა" დანახარჯებმა.
ჩვეულებრივ, მშობელს სპეციალური პაროლი შეჰყავს Apple-ის სმარტფონსა თუ ტაბლეტში, რათა ბავშვმა თამაშის და აპლიკაციის გადმოწერა შეძლოს, მაგრამ მათ არ იციან, რომ "თამაშების შიდა შესყიდვებისთვის" დამატებითი ნებართვა საჭირო აღარ არის.
რამირესის თქმით, 31 მარტიდან Apple-მა უნდა შეცვალოს გადახდის სისტემა და ანგარიშის მფლობელებს ყოველი შესყიდვის შესახებ შეატყობინოს.
როგორც გამოცემა Mercury News აღნიშნავს, Apple-მა უკვე გამოთქვა მზადყოფნა დაემორჩილოს კომისიის გადაწყვეტილებას.
loading...
