“1990-იან წლებში - 2G სერვისით, 2000 წელს - 3G-ს სერვისით, ხოლო 2010 წლისთვის 4G სერვისით ჩვენ ეკონომიკის ზრდას შევუწყეთ ხელი," განაცხადეს ქვეყნის მეცნიერების სამინისტროში, - "ახლა დროა, ქმედითი ნაბიჯები გადავდგათ 5G მობილური ინტერნეტ სერვისის გასავითარებლად.”
მოსალოდნელია, რომ 5G-სერვისი დაახლოებით 1000-ჯერ უფრო სწრაფი იქნება ვიდრე დღეისათვის არსებული ტექნოლოგია. ადვილად წარმოსადგენი რომ იყოს, სერვისის შემქმნელები ირწმუნებიან, რომ ის საშუალებას მისცემს მომხმარებელს, სრულმეტრაჟიანი ფილმი ერთ წამში ჩამოტვირთოს, მაშინ როცა დღეისთვის არსებული 4G ქსელი ამისთვის 40 წამს საჭიროებს.
როგორც ჩანს, 2020 წელი ტექნოლოგიურად ძალიან დატვირთული იქნება, რადგან სწორედ ამ დროისათვის აპირებს სატელეკომუნიკაციო გიგანტი Huawei ჩინეთში 4G ქსელის გაშვებას, იგივეს აპირებენ ევროკავშირშიც, მაგრამ სამხრეთ კორეის ინვესტიცია ბევრად აჭარბებს ჩინეთის მიერ ინვესტირებულ 600 მილიონ აშშ დოლარსა და ევროკავშირის მიერ გაღებულ 950 მილიონ აშშ დოლარს.
ამასთან, 5G ქსელის დასანერგად სატესტო სამუშაოები მიმდინარეობს იაპონიასა და აშშ-შიც.
საერთო ჯამში, 5G ქსელი გამიზნულია იმაზე, რომ გამოათავისუფლოს ადგილი დამატებით შვიდი ტრილიონი ქსელში ჩართული მოწყობილობისთვის 2020-იან წლებისთვის.
5G ქსელის განვითარებას მხარს უჭერენ ისეთი მწარმოებლები, როგორიცაა LG და Samsung. ახალი სერვისის ტესტირება 2015 წლიდან დაიწყება სხვადასხვა სოციალურ ქსელებთან მიმართებაში, ხოლო 2017 წლიდან სატესტო რეჟიმი გაფართოვდება 3D სურათებსა და cloud სერვისებზე. 2018 წლის ზამთრის ოლიმპიური თამაშებისთვის კი, ქსელის ტესტირება უკვე დასრულებული უნდა იყოს ყველა ტიპის მოწყობილობაზე.
loading...
